Sawltak 13:1 - Tedim Bible

¹ Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Tedim Bible Revision 2017

¹ Antiok khua pawlpi sungah kamsang pawl khat le sia pawl khat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai ah gam a uk sawn Herod tawh a khangkhawm Manaen le Saul ahi uh hi.

Sawltak 13:1 Referans Kwoze

Sawltak 4:36

Tua hi a, Saipras tuikulh-a suak, Levi mi Josef, sawltakte in Barnabas (Hanthawn Siampa a cihnopna) min a phuah pa in,

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Sawltak 13:9

Tua ciangin Saul (Paul zong a kici pa) Kha Siangtho tawh kidimin tua mipa limtakin en a,

Efesa 4:11

Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

Sawltak 15:32

Judas le Silas zong kamsangte mah hi uh a, thu um mite tawh sauveipi thu kikum uh a, amaute’ lungsim thanuam sakin a thahatsak uh hi.

Luka 3:1

Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Filippi 4:22

Hih lai-a om Khristian khempeuh, a diakdiakin kumpi nasem i lawmte in note hong hopih uh hi.

Galati 2:13

Thu um Jew midangte zong hong meidawisuah a, amaute’ gamtatna hangin Barnabas nangawn meidawi-in amaute bangin hong gamta hi.

1 KORIN MASA 9:6

Kei le Barnabas bek, nektawmzon tawh a thuah ding ka hi zenzen kei uh hi.

ROM (Romans) 16:21

Ka naseppih Timoti in note hong hopih a, Jew mipih Lusias, Jason, le Sosipater-te in zong hong hopih uh hi.

Sawltak 21:9

Amah in Pasian thu a hilh tanu-ngak li nei hi.

Sawltak 19:6

Paul in amaute tungah a khut a ngakkhit ciangin amaute tungah Kha Siangtho hong tung hi. Amaute in pau lamdang hong paupah uh a, Pasian’ thu zong a gen uh hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

1 THESALONIKA MASA 5:20

thuhilhnate simmawhbawl kei un.

Sawltak 12:25

Barnabas le Saul in a nasep a man khit uh ciangin Jerusalem khua panin ciahkik uh a, Johan Marka zong a ciahpih uh hi.

Sawltak 9:1

Tua hun sungteng Saul in Topa’ thu a um mite thah dingin a hanciamna zomlai hi. Siampi lianpen pa kiangah pai a,

Mattiu 27:32

Tua bangin a pai laitakun Sairin khuami Simon kici mi khat tawh kituak uh a, amah lammatin Jesuh’ singlamteh a puasak uh hi.

1 KORIN MASA 11:4

Pasal khatpeuh in mihon biakna sungah a lukhu lakhia lopi-in thungen ahi a, Pasian’ thugen ahi zongin a om leh Khrih’ min a daisak ahi hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

1 KORIN MASA 13:8

Itna pen a tawntungin a kip ahi hi. Thuhilh siamna a om tei hangin tawlkhat sung bek kimangin, pau lamdang pautheih siamnate a om hangin bei ding a, thutheih siamna a om hangin maimang ding hi.

1 KORIN MASA 14:29

Pasian thu gen ding a neite sung panin nih le thum bang bek in a banbanin gen ding uh a, adangte in limtakin na tel ngaih ding uh hi.

1 KORIN MASA 14:32

Pasian in eite ahi zelzul dingin a hong sam hi lo a, hoihtak nuamtakin a om dingin a hong sam ahih manin Pasian’ thu gen ding lawpna lungsim pen a gen ding pa a ki-ukzawh ding a kisam ahi hi. Pasian’ pawlpi mite khempeuh lakah a kizang ngeina ahih mah bangin,