Sawltak 12:4 - Tedim Bible

⁴ Peter a kimat khit ciangin thongah kikoih a, galkap li ciat a om galkap pawl lite in a cin dingin ki-ap hi. Herod in Paisan Pawi a ven’ ciangin mipi mai-ah Peter thu sit dingin a ngaihsut ahi hi.

Tedim Bible Revision 2017

⁴ Peter a kimat khit ciangin thong ah kikoih a, galkap li ciat a om galkap pawl lite in a cin dingin ki-ap hi. Herod in Paisan Pawi a ven ciangin mipi mai ah Peter thu sit dingin a ngaihsut ahi hi.

Sawltak 12:4 Referans Kwoze

Luka 22:33

Tua ciangin Peter in, “Topa aw, nang tawh thong a kiakhawm ding le a sikhawm dingin a kigingsa-in ka om hi,” ci-in a gen hi.

Paunak 19:21

Mihing’ ngaihsutna-ah thu tampi om a, ahi zongin Topa’ deihna tawh a kituakte bek kimang ding hi.

Luka 21:12

Ahi zongin hihte khempeuh hong pianma-in keima hangin note hong kimanin hong kibawlsia ding hi. Kikhopna innte-ah thusitna thuakin thongah khiat dingin hong ki-ap ding a, ukpite le kumpite mai-ah hong kipaipih ding hi.

Sawltak 4:28

Nangmah in na deihna bangin a piang dingin na vangliatna tawh na khensatsa thu khempeuh a sem dingin amaute kikhawm uh hi.

Sawltak 4:3

Tua ahih manin amau tegel man uh a, ni tum kuanta ahih manin a zing ciang dong thong sungah a khum uh hi.

Johan 21:18

A mantakin ci lehang, na khangno lai-in na kawnggak gakin na utna peuhah na pai zialzial thei hi. Ahi zongin na khangham ciangin na khutte na zan ding a, midangte in na khutte hong henin na ut loh napi ah hong paipih ding uh hi,” a ci hi.

Mattiu 26:5

Amaute in, “Buaina lianpi hong omkha thei ding ahih manin hih pawi hun sungin hih kei ni,” a ci uh hi.

Mattiu 24:9

“Tua ciangin note hong kibawlsia-in hong kithat ding a, keima hangin Gentail mi khempeuh in note hong mudah ding uh hi.

Paunak 27:1

Zing ciang hun ading kima-sialh kei in. Tuhun le tua hun kikalah a piang ding thu bangmah na thei kei hi.

Esther 3:13

Tua bangin kumpipa’ ukna gam khempeuhah laitaite kipiasak a, Adar kha ahi a kha sawm le nihna a ni sawm le thum ni, ni khat sungin Jew mi a moi a ham, numei naupang, a vekpi-in susia-in, thatin, a beisakmangna ding uh, le a neihsate uh a laksak nadingun thu kipia hi.

Sawltak 8:3

Ahi zongin Saul in pawlpi suksiat ding hanciam a, inn khat pan inn khatah pai kawikawi-in, thu um numei le pasalte kai-in thong sungah a khia hi.

Sawltak 5:18

Tua ahih manin sawltakte manin thong sungah a khum uh hi.

Johan 19:23

Galkapte in singlamteh tungah Jesuh a khai khit uh ciangin a puante la uh a, khenkhat ciatin a ngah dingun khen li a suah uh hi. Mong a nei lo, a kiphan a puantualpi zong a la uh hi.

Kah la 3:37

Topa’ deihna bang bekin na khempeuh a piang ahi hi.

Paikhiatna 12:1

Egypt gam sungah Topa in Moses le Aaron kiangah,

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesuh simmatin a thahtheih nading uh lampi a zong uh hi.

Sawltak 12:3

Hih bangin thahna hangin Jew mite a lungdamna a theih ciangin Peter zong mansak leuleu hi. (Hih pen Silngo Sawh loh Anlum Pawi hunsung ahi hi.)

Sawltak 12:5

Tua ahih manin thong sungah Peter kikhum a, ahi zongin pawlpi mite in lungsim takpi tawh ama a dingin Pasian kiangah thu a ngetsak uh hi.