Sawltak 12:3 - Tedim Bible

³ Hih bangin thahna hangin Jew mite a lungdamna a theih ciangin Peter zong mansak leuleu hi. (Hih pen Silngo Sawh loh Anlum Pawi hunsung ahi hi.)

Tedim Bible Revision 2017

³ Hih bangin thahna hangin Jew mite a lungdamna a theih ciangin Peter zong mansak leuleu hi. (Hih pen Silngo Sawh loh Anlum Pawi hunsung ahi hi.)

Sawltak 12:3 Referans Kwoze

Paikhiatna 23:15

Silngo sawh loh anlum pawi na bawl ding uh hi. Keimah in note kong thupiak bangin Abib kha sung a kisehsa hun ciangin ni sagih sung silngo sawh loh anlum na ne ding uh hi. Bang hang hiam cih leh tua kha sungin Egypt panin note na paikhia uh hi. Khut hawmguak tawh keima mai-ah kuamah hong kilak lo ding hi.

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew mite’ pahtak ding ut ahih manin thong sungah Paul a omsak suak hi.

Johan 12:43

Pasian’ pahtak ding sangin mite’ pahtak ding utzaw uh ahih manin a tuaci om ahi uh hi.

Sawltak 25:9

Jew mite’ pahtak ding ut ahih manin Festas in Paul kiangah, “Jerusalem khua-ah va pai-in, keima mai mahah hih thute tawh kisai-in thusitna hong kinei leh na ut hiam?” ci-in a dot ciangin

Galati 1:10

Hih bangin thu ka gen ciangin mite’ hong pahtak theih nading a zong tawh kibang na hong sa uh hiam? Mite’ pahtak ding a ut ka hi kei a, Pasian’ hong pahtak ding a hanciam ka hi hi. Mihingte’ hong pahtak theih nadingin a gamta hi zenzen leng, Khrih’ nasem ka hi kei ding hi.

Sawltak 20:6

Silngo Sawh loh Anlum Pawi a ven’ khit ciangin Filippi khua panin teembaw tawh ka ding uh a, ni nga khit ciangin Troas khua tungin amaute tawh ka kimu uh a, tua lai-ah nipikal khat sung ka taam uh hi.

1 THESALONIKA MASA 2:4

Pasian in kote hong thei-in Lungdamna Thu a hilh dingin kilawm hong sa ahih mah bangin mite’ lungdam theih nadingin thu a hilh hi loin kote’ lungsim ngimna a hong thei Pasian’ lungkim nadingin thu a hilh ka hizaw uh hi.

Johan 21:18

A mantakin ci lehang, na khangno lai-in na kawnggak gakin na utna peuhah na pai zialzial thei hi. Ahi zongin na khangham ciangin na khutte na zan ding a, midangte in na khutte hong henin na ut loh napi ah hong paipih ding uh hi,” a ci hi.

Johan 19:11

Jesuh in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apte’ mawhna lianzaw hi,” ci-in a dawng hi.

Mattiu 26:17

Silngo Sawh loh Anlum Pawi a kipat ni-in nungzuite in Jesuh kiangah, “Paisan Pawi annek ding koilai takah hong bawlsak le ung deih na hi hiam?” ci-in a dong uh hi.

Late 76:10

Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

Sawltak 4:13

Uliante in Peter le Johan a han’ mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesuh tawh a kikhawl khin ngeite ahihna uh a phawk uh hi.

Sawltak 2:14

Tua ciangin sawltak sawm le khatte tawh a omkhawm Peter hong dingto-in, mihonte tungah nakpitakin thu hong gen a, “Ka mipih ahi Jew mite le Jerusalem khuasunga om mi khempeuhte aw, hih thupiang hong gen ding ka hih manin limtakin na ngai un.

Sawltak 12:4

Peter a kimat khit ciangin thongah kikoih a, galkap li ciat a om galkap pawl lite in a cin dingin ki-ap hi. Herod in Paisan Pawi a ven’ ciangin mipi mai-ah Peter thu sit dingin a ngaihsut ahi hi.