Sawltak 12:2 - Tedim Bible

² Johan’ u James pen namsau tawh thatsak hi.

Tedim Bible Revision 2017

² Johanʼ u James pen namsau tawh thatsak hi.

Sawltak 12:2 Referans Kwoze

Hebru 11:37

Suang tawh a kidenglum, sing-at tawh a kiphelkham, namsau tawh a kisatlum a om hi. Tuuvun peuh, keelvun peuh silhzo bekin, cimawhin zawng uh a, gimna le bawlsiatna a thuak uh hi.

Mattiu 20:23

Jesuh in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilama tutding pen kei’ hong piaktheih hi lo hi. Ka Pa in a sehsa mite a’ ding bek ahi hi,” a ci hi.

Marka 10:38

Ahi zongin Jesuh in, “Note in na hong nget uh na thei kei uh hi. Keimah in ka thuak ding gimna note in thuakzo ding a, ka kiphum nading gimna-ah kiphumzo ding na hi uh hiam?” ci-in a dot ciangin

Marka 10:35

Tua laitakin Zebedi’ tapa James le Johan in Jesuh hong naih uh a, “Kong nget peuhpeuh uh nong vaihawmsak ding ka deih uh hi,” a ci uh hi.

1 KUMPI MASATE 19:10

Amah in, “Vanglian Pasian, Topa a dingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia uh a, namsau tawh na kamsangte that hi; kei, kei bekbek ka omlai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:1

Ahab in Jezebel kiangah Elijah’ hih khempeuh le namsau tawh kamsangte khempeuh a thah khitna thu a gen hi.

Jeremiah 26:23

amau in zong Egypt gam panin Uriah manin kumpi Jehoiakim kiangah a puak uh hi. Amah in tua pa namsau tawh thatin a luanghawm mi mawkmawkte’ kivuina munah a paai hi.

Marka 10:39

amaute in, “Ka hizo ding uh hi,” ci-in a dawng uh hi. Tua ciangin Jesuh in amaute kiangah, “Keimah in gimna ka thuak ding mah bangin na thuak takpi ding uh a, ka thuak ding kiphumna zong na thuak takpi ding uh hi.

Sawltak 12:1

Hih hun pawl laitakin Herod Kumpipa in pawlpi mite pawlkhat bawlsiat ding kipan hi.