Sawltak 12:19 - Tedim Bible

¹⁹ Peter a zon nadingun Herod in thu pia a, ahi zongin mu zo lo uh hi. Tua ahih manin thongcingte thu kisit a, thah dingin thu a khen nadingun thu a pia hi. Tua ciangin Judea gam panin Sisaria khua-ah Herod paisuk a, tua lai-ah tawlkhat sung a om hi.

Tedim Bible Revision 2017

¹⁹ Peter a zon nadingun Herod in thu pia a, ahi zongin mu zo lo uh hi. Tua ahih manin thongcingte thu kisit a, thah dingin thu a khen nadingun thu a pia hi. Tua ciangin Judea gam panin Sisaria khua ah Herod pai suk a, tua lai ah tawl khat sung a om hi.

Sawltak 12:19 Referans Kwoze

Sawltak 16:27

Thongcing pa zong khanglo a, thong kongkhakte a kihong a muh ciangin thongkia mi khempeuh taikhia mangkhin hi, ci-in ngaihsun ahih manin a namsau dokin amahmah a kithat dingin a kithawi hi.

Sawltak 21:8

A zing ciangin ding leuleu-in Sisaria khua ka tung uh a, Pasian thu a hilh Filip’ inn-ah tungin tua lai-ah ka taam uh hi. Tua pa pen Jerusalem khua-a a kiteel mi sagihte sungah a kihel ahi hi.

Sawltak 12:6

Herod in Peter thu sit dingin a lakkhiat ding ma a zan sungin, Peter a khut nih tuakin sikkhau kikhihin a langtuakah galkapte in lenin tua galkap nih kikalah kilumsak a, tua banah thongcingte in a kongah cing lai uh hi.

Sawltak 12:4

Peter a kimat khit ciangin thongah kikoih a, galkap li ciat a om galkap pawl lite in a cin dingin ki-ap hi. Herod in Paisan Pawi a ven’ ciangin mipi mai-ah Peter thu sit dingin a ngaihsut ahi hi.

Sawltak 8:40

Tua ciangin Filip pen Azotas khua-ah a om ahih lamtak amah kiphawk a, tua khua a kipanin Sisaria khua a tun dongin khua khempeuhah Lungdamna Thu a hilh hi.

Mattiu 2:13

Tua mipilte a ciah khit uh ciangin Josef’ mang sungah Topa’ vantungmi khat hong kilang a, “Kithawi-in naungek le a nu, Egypt gamah taipih in. Pai khia un, ci-in kong genkik matengin tua gamah va om un. Herod in naungek thah dingin hong zong ding hi,” a ci hi.

Esther 6:12

Tua ciangin kumpipa’ kongpi-ah Mordekai ciahkik hi. Haman ahih le kilukhuhsa-in a thum kawmin a inn-ah ciahpah vingveng hi.

1 KUMPI MASATE 20:43

Tua ciangin Israel kumpipa a inn-ah a lungkim lo, maikhingin pai a, Samaria a tung hi.

1 SAMUEL MASA 23:14

Zif gamlak mualtung gam sung, gamlak munmuanhuaina-ah David om hi. Saul in nisimin amah zong a, ahih hangin Pasian in ama tungah David pia lo hi.

Sawltak 27:42

Thongkia mi khempeuh tui peekin a taimang ding uh lau uh ahih manin galkapte in thongkiate thah a sawm uh hi.

Sawltak 25:13

Tua zawh tawlkhat khit ciangin gam uk kumpipa’ khutnuai mahah a uksawn Agrippa le a sanggamnu Bernis, a hong tung thak Festas kiangah a hawh dingin Sisaria khua-ah a hong pai uh hi.

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiima om naungek kum nih ciang le a nuaisiah khempeuh a that dingin a galkapte a sawl hi.

Jeremiah 36:26

Tua ciangin kumpipa in kumpipa’ tapa Jerahmeel pen Azriel’ tapa Seraiah le Abdeel’ tapa Shelemiah tawh, ka lai-at Baruk le keimah a man dingin thu a pia hi. Ahih hangin Topa in ko tegel a hong seelsim hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Sawltak 12:18

Zingsang khua a vak ciangin Peter bangci ahi hiam, ci-in thongcingte lakah buaina lianpi hong om hi.