Sawltak 12:11 - Tedim Bible

¹¹ Tua ciangin Peter in khua phawk a, “Maang a mu ka kisak leh a takpi na hi mawk! Topa in a vantungmi kei kiangah hong sawl a, Herod in hong gimsak nading le Jew mite in gimna hong thuaksak nading panin kei hong honkhia hi,” a ci hi.

Tedim Bible Revision 2017

¹¹ Tua ciangin Peter in khua phawk a, “Maang a mu ka kisak leh a takpi na hi mawk! Topa in a vantungmi kei kiangah hong sawl a, Herod in hong gimsak nading le Jew mite in gimna hong thuaksak nading panin kei hong hon khia hi,” a ci hi.

Sawltak 12:11 Referans Kwoze

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcipsak hi. Kumpipa aw, mawhna ka bawl lohlam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 3:28

Tua ciangin kumpipa in, “Shadrak, Meshak, le Abednego-te’ Pasian phat un. Amah in a vantung mite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang’ mai-ah kun nuam lo, bia nuam lo uh ahih manin mei phualpi sungah khul ding a utzaw uh ahi hi,” a ci hi.

2 PETER NIHNA 2:9

Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.

Late 34:7

Amah a zahtakte’ kiimah Topa’ vantungmi in giahphual sat a, amaute a honkhia hi.

Sawltak 5:19

Ahi zongin tua zanin Topa’ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Luka 15:17

A tawpna-ah thu ngaihsun thei a, ‘Ka pa’ nasemte khempeuh in gaih zawh lohin an khamval nei uh a, tu-in hih lai-ah gilkialin a puksi ding ka hita hi.

Late 33:18

Amah a zahtakte, a itna kip lametna a neite, sihna panin honkhia-in, kialpi hun sungin amaute a hinkep theih nadingin Topa in amaute en tawntung hi.

Sawltak 12:7

Thakhatthu-in Peter gei-ah Topa’ vantungmi khat hong omin thong sung khempeuh khua a vak hi. Vantung mi in Peter’ liangko lokin phong a, “Manlangin tho in,” a ci hi. Thakhatin Peter’ khut panin a sikkhaute kitolkhia hi.

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.

Late 109:31

Bang hang hiam cih leh sih nading gimna a piapa’ khutsung pan a honkhia dingin mi cimawh pa’ taklamah amah hong ding hi.

Late 97:10

Topa in gitlohna a mudahte it a, amah in a mi siangthote’ nuntakna siatna ding pan a kem hi. Amah in migilote’ khutsung panin amaute a honkhia hi.

2 SAMUEL NIHNA 22:1

Tua ciangin Topa in ama galte khempeuh’ khutsung, le Saul’ khutsung panin amah a hotkhiat hunin David in hih la kammalte Topa’ tungah a gen hi.

Late 41:2

Topa in amaute hu-in hingsak ding a, leitungah amaute thupha ngah mi kici ding hi. Amau’ galte’ khut sungah amaute pia lo ding hi.

Late 34:22

Topa in ama nasemte honkhia a, amah a bel mi khat beek gim kipia lo ding hi.

JOB (Job) 31:31

Zin le leengte limtakin ka do tawntungna thu ka na a hong sepsak mi khempeuh in a thei uh hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu a kipan gal na do ding hi,” a ci hi.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew mite’ pahtak ding ut ahih manin thong sungah Paul a omsak suak hi.

JOB (Job) 5:19

Lungkhamna gukvei dong na tuahna-ah amah in nang hong hon ding a, a sagihveina dingah siatna in nang hong su nawn lo ding hi.

Piancilna 26:9

Tua ahih manin Abimelek in Isaac samin, “En in, amah na zi ahi hi. Tua ahih ciangin bangci-in nang in, ‘Amah ka sanggamnu hi,’ ci thei na hi hiam?” a ci hi. Isaac in ama kiangah, ”‘Ama hangin si kha ding ka hih ciangin,’ ci-in ngaihsun ka hihna hang hi,” a ci hi.

Piancilna 18:13

Topa in Abraham’ tungah, “Bang hangin Sarah nui-in, ‘Tu-in kei teek ka hih ciangin ta nei takpi ding ka hi hiam?’ ci ahi hiam?

Piancilna 15:13

Tua ciangin Topa in Abram kiangah, “Na suanlekhakte amau’ leitang ahi lo munah tawlkhat sung omin, tua lai-ah amaute sila hi ding uh a, amaute kum zali sung kinengniam ding ahihna thu a kitel theihna thei in.

Sawltak 25:9

Jew mite’ pahtak ding ut ahih manin Festas in Paul kiangah, “Jerusalem khua-ah va pai-in, keima mai mahah hih thute tawh kisai-in thusitna hong kinei leh na ut hiam?” ci-in a dot ciangin