Sawltak 11:30 - Tedim Bible

³⁰ Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

Tedim Bible Revision 2017

³⁰ Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

Sawltak 11:30 Referans Kwoze

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amaute’ muan ahi Topa’ khut sungah tua mite a ap uh hi.

Sawltak 12:25

Barnabas le Saul in a nasep a man khit uh ciangin Jerusalem khua panin ciahkik uh a, Johan Marka zong a ciahpih uh hi.

Jeim 5:14

A cina na om uhleh pawlpi upate sam un. Amaute in thu hong ngetsakin Topa min tawh sathau hong zut ding uh hi.

Titu 1:5

Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gensa thute hoihtakin na phawk in:

1 TIMOTI MASA 5:17

Pawlpi sungah ukna le makaihna siamin, thuhilh le thugen hahkat tawh a thuah upate pen thaman a zah nih piak dingin kilawm hi.

Sawltak 20:17

Paul in Miletas khua panin Efesa khua-ah thu puak a, Efesa pawlpi upate in a na dawntuah nadingin a vaikhak hi.

Sawltak 16:4

Thuhilhin a paina uh khua khempeuha thu um mite kiangah Jerusalem khua-a om sawltakte le upate in zuih dingin a khensat uh ngeinate gen kawikawi uh a, tua ngeinate a zuih nadingun a hanthawn uh hi.

Sawltak 15:6

Tua ahih manin hih thu a kikum dingin sawltakte le upate a kikhawm uh hi.

Sawltak 15:4

Jerusalem khua a tun uh ciangin sawltakte, upate, le pawlpite in limtakin zin na do uh a, Pasian in na a seppihna thu, amaute kiangah a gen uh hi.

1 PETER MASA 5:1

Keima pumpi mahmah zong pawlpi upa hi-in, Khrih thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

2 JOHAN NIHNA 1:1

A khangham bel keimah Johan in Teeltuam ahi, kong it taktak tonu le na pawlpi mite kiangah lai ka hong gelh hi. Kei bek in a hong it hi loin thuman a thei taktakte khempeuh in zong hong it uh hi.

1 TIMOTI MASA 5:19

Upa khat peuhpeuh a mawhsak mi nih le thum a om kei buang leh thu-in na sim kei in.

Sawltak 21:18

A zing ciangin James kiangah Paul tawh ka hawh uh a, tua lai-ah pawlpi upa khempeuh a na om uh hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam, le Silisia gam a om thu upna sungah sanggam ahi Gentail mite tungah hopihna kam kong khak uh hi.

Sawltak 15:2

Hih thu huhau-in Paul le Barnabas, le hih mite kikalah nakpitakin thu kinialna omin thu kisel uh ahih manin, Paul le Barnabas le Antiok khua-a a om mi pawlkhatte Jerusalem khua-ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 4:36

Tua hi a, Saipras tuikulh-a suak, Levi mi Josef, sawltakte in Barnabas (Hanthawn Siampa a cihnopna) min a phuah pa in,

Sawltak 12:1

Hih hun pawl laitakin Herod Kumpipa in pawlpi mite pawlkhat bawlsiat ding kipan hi.

1 TIMOTI MASA 4:14

Kamsangte’ thugennate le upate in na tungah a khut uh nga-in thu hong ngetsakna ahi nangma hihtheih siamnate na valkhongsak kei in.

3 JOHAN THUMNA 1:1

A khangham bel keimah Johan in Lungsim takpi tawh ka hong it ka lawm Gaias tungah lai ka hong khak hi.