Sawltak 11:3 - Tedim Bible

³ “Bang hangin vun a ki-at lo Gentail mite’ inn-ah tung a, amaute tawh an nangawn nekhawm na hi hiam?” a ci uh hi.

Tedim Bible Revision 2017

³ “Bang hangin vun a ki-at lo Gentail miteʼ inn ah tung a, amaute tawh an nangawn nekhawm na hi hiam?” a ci uh hi.

Sawltak 11:3 Referans Kwoze

Sawltak 10:28

amaute kiangah, “Note mahmah in zong limtakin na theih ciat uh mah bangin Jew mite pen minam dangte kiangah hawhin a kikholh ding a ngeina hi lo hi. Ahi zongin mi khat peuhpeuh a nin hi, ci-in ka ngaihsut loh nadingin Pasian in kei tungah a thu hong lakkhin zo hi.

Galati 2:12

James in a hong sawl mi pawlkhatte, tua khua-ah a hong tunma-in Peter in thu um Gentail mite tawh an nekhawm napi-in, Gentail mite vun at ding hi, a ci mite a kihtakna hangin tua mite hong tun ciangin Gentail mite tawh an nekhawm ngam nawn loin hong kihemkhia hi.

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

2 JOHAN NIHNA 1:10

Tua ahih manin Khrih’ hilh ahi hih thute a hilh lo midang khatpeuh note kiangah a hong pai leh na inn uhah zong na tungsak kei unla, zong na hopih kei un.

1 KORIN MASA 5:11

Tua ka hong laigelhna sungah ka cihnopna pen, thu upna sungah unau khat hi hang, ci napi-in numei tawh a paktat, a huaiham, milim a bia, mi gensia, zukham, ahih kei leh a guta theite tawh kikhawl kei un, cihnopna ahi hi. Tua bang mite tawh an ne ding nangawnin zong na tukhawm kei un.

Sawltak 10:48

Jesuh Khrih min tawh amaute tui a kiphum nading uh a sawl hi. Tua ciangin amaute kiangah Peter a tam lai nadingin a thum uh hi.

Sawltak 10:23

Tua ahih manin amah tawh a giakkhawm dingin Peter in amaute a sam hi. A zing ciangin Peter zong kithawi-in amaute tawh paikhawm a, Joppa khua-a om thu um mi pawlkhatte in zong a zui uh hi.

Mattiu 9:11

Farisi mite in hih thu a muh uh ciangin Jesuh nungzuite kiangah, “Bang hangin na siapa un siahdongte le thukham khialte tawh an nekhawm ahi hiam?” a ci uh hi.

Johan 18:28

Tua ciangin Kaiafas’ inn panin gam ukpa Pilat’ omna kumpi inn-ah Jesuh a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suahtheih nadingun kumpi inn huang sungah lut lo uh hi.

Sawltak 10:32

Simon Peter a kici mipa a sam dingin Joppa khua-ah mi sawl in. Amah pen savunnim nasepin nei-in tuipi gei-ah a teng Simon’ inn-ah zin tungin a om hi,’ hong ci hi.