Sawltak 11:26 - Tedim Bible

²⁶ Saul a muh ciangin Antiok khua-ah a paipih hi. Kum khat sung tawntung tua lai-a om pawlpi mite tawh amau tegel omkhawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Tedim Bible Revision 2017

²⁶ Saul a muh ciangin Antiok khua ah a paipih hi. Kum khat sung tawntung tua lai-a om pawlpi mite tawh amau tegel om khawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Sawltak 11:26 Referans Kwoze

1 PETER MASA 4:16

Ahi zongin Khristian hihna hangin gimna na thuak uhleh kuamah in maizum ngaihsut kei unla, Khrih min hangin na thuak manun Pasian tungah na lungdam un.

Sawltak 26:28

Tua ciangin Agrippa in Paul kiangah, “Hih hun tomno sungin Khristian hong suaksakzo dingin kingaihsun na hi hiam?” a cih ciangin

1 JOHAN MASA 2:27

Khrih in note tungah ama Kha Siangtho hong piakhin a, tua Kha Siangtho na neih laiteng uh kuamah in note hong hilh ding kisam nawn lo hi. Bang hang hiam cih leh Kha Siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong om lo hi. Tua ahih manin Kha Siangtho’ hilhnate zui unla, Khrih sungah kiptakin om un.

1 PETER MASA 4:14

Khrih nungzui hihna hangin mite’ kosiatna na thuak uhleh note sungah a minthang Kha Siangtho ahi Pasian’ Kha Siangtho hong om ahihna lim ahih manin a hampha mahmah na hi uh hi.

1 KORIN MASA 14:23

Tua ahih manin pawlpi mi khempeuh na kikhopna uhah na vekpi-un pau lamdangin pau-in, mi mawkmawkte ahih kei leh thu um lo mite in hong mu zenzen leh, note pen mihai hontang hi, hong ci ding hi lo ahi uh hiam?

1 KORIN MASA 12:12

Pumpi pen khat bek hinapi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khrih zong pumpi na a tuamtuam a nei pumpi khat ahi hi.

1 KORIN MASA 11:18

A masa penin, pawlpi na kikhop uh ciangin note lakah pawl kikhenna om hi, ci-in ka za hi. Hih ka zak thu a manna omkha dingin ka um hi.

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesuh Khrih thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uhah Pasian in na a seppihna khempeuh le Gentail mite in zong thu a uptheih nadingun Pasian in lam a honsaknate khempeuh a gen uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Mangmuhna 3:18

Tua ahih manin na hauhtheih nadingun kei kiang panin kham citak hong lei-in a zumhuaipi-in guaktanga na omna uh na kisel nadingun puanpak hong lei unla, khua na muhtheih nadingun mit zatui hong lei un.

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amaute’ muan ahi Topa’ khut sungah tua mite a ap uh hi.

Sawltak 11:27

Tua hun pawl laitakin Jerusalem khua panin Antiok khua-ah kamsang pawlkhat paisuk uh hi.

Sawltak 11:22

Jerusalem-a om pawlpite in hih thu a zak uh ciangin Antiok khua-ah Barnabas a paisak uh hi.

Sawltak 11:20

Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.

Sawltak 6:5

A vekpi-un sawltakte’ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas, le Antiok khua pan Gentail mi ahi Jew biakna a zui Nikolas a teel uh hi.

Isaiah 65:15

Keima teel mite in samsiatna-in na min uh zang ding uh a, Topa Pasian in note hong that ding hi. Ahih hangin ama nasemte pen min dang a phuah ding hi.

Johan 2:2

Jesuh le a nungzuite zong tua pawi-ah a kisam hi.

Sawltak 1:15

Tua khit a sawt loin thu um mi zakhat le sawmnih bang a kikhop khawm laitakun Peter hong dingin thu hong gen a,

Sawltak 6:1

Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tuidawn, sumlepai hawmna-ah ka meigong numeite uh hong kipiaksak lo hi,” ci-in lungkim lo uh hi.

Sawltak 9:19

an a nekkhit ciangin a tha hong hatkik hi. Damaskas khua-ah a om thu um mite tawh tawlkhat sung a omkhawm hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua-ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 11:29

Tua lai-a om thu um mite in amau hihzawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

Sawltak 14:20

Ahi zongin thu um mite in amah umcihin a om laitakun amah hong tho-in khua sungah a lutkik hi. A zing ciangin Barnabas tawh Derbe khua-ah a pai uh hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Sawltak 14:28

Tua khua-ah thu um mite tawh sauveipi sung a omkhawm uh hi.

Sawltak 18:27

Akhaia gamah Apollos pai ding a sawm ciangin, Akhaia gam a om thu um mite in limtakin a na pawlbawl nading uh deihna tawh Efesa khua-a om thu um mite in lai a khak uh hi. Amah a tun ciangin Pasian hehpihna hangin Jesuh thu a um tua lai-a om mite a dingin nuamtuam mahmah hi.

Sawltak 19:9

Ahi zongin mi pawlkhat in kin hetloin um nuam lo uh a, mipi’ zakin Topa’ thu paiziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Sawltak 20:1

Hih buaina thu a ven’ ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

Sawltak 20:30

Note sung mahmah panin zong mi pawlkhat in thu um mite khemin a zolkhiat hun hong tung ding hi.

Sawltak 21:4

Tua khua-ah ka kan uhleh thu um mi pawlkhat na om uh a, amaute kiangah nipikal khat sung ka taam uh hi. Jerusalem khua-ah Paul a pai loh nadingin Kha Siangtho’ lamlahna tawh amaute in a gen uh hi.

Jeim 2:7

Pasian in note a hong phuah min hoih a gensiate, mihaute mah ahi uh hi.