Sawltak 11:17 - Tedim Bible

¹⁷ Eite in Topa Jesuh Khrih i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasian’ nasepna a khaktanzo dingin kei kua ka hi hiam?” ci-in a gen hi.

Tedim Bible Revision 2017

¹⁷ Eite in Topa Jesu Khris i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasianʼ nasepna a khaktan zo dingin kei kua ka hi hiam?” ci-in a gen hi.

Sawltak 11:17 Referans Kwoze

Sawltak 10:47

“Eite mah bangin hih mite in zong Kha Siangtho ngah uh hi. Tui sungah a kiphum ding uh kua’n kham thei ding ahi hiam?” ci-in a gen khit ciangin,

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

JOB (Job) 33:13

Pasian in mihingte’ phunna thudon ngei lo hi, ci-in thugenna tawh bang hangin Pasian mawhsak na hi hiam?

Sawltak 11:15

Tua thu gen dingin ka kipat laitakin eite in Kha Siangtho i ngah cil huna mah bangin amaute tungah Kha Siangtho hong tung hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong paikhawm Jew mi thu umte in lamdang a sa mahmah uh hi.

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

JOB (Job) 40:2

“Job aw, nangmah in Vanglian Pasian nong dem hi. Tu-in khawl ding na hiam, ahih kei leh keima thugen nong dawng ding hiam?” a ci hi.