Sawltak 10:9 - Tedim Bible

⁹ A zing ciangin Joppa khua-ah amaute a tun dektak laitakun, thungen dingin sun laitakin innkhumzangah Peter a kahto hi.

Tedim Bible Revision 2017

⁹ A zing ciangin Joppa khua ah amaute a tun dektak laitakun, thungen dingin sun laitakin innkhum zang ah Peter a kah to hi.

Sawltak 10:9 Referans Kwoze

Zefaniah 1:5

Innkhum zangah kahto-in, ni, kha, le aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Late 55:17

Nitak, zingsang, le sunin ka gimna leh ka thumnate ama tungah ka gen a, amah in keima thumna aw, hong za ding hi.

Sawltak 6:4

Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.

Marka 6:46

Amaute tawh a kikhen khit ciangin thungen dingin mualtungah a kahto hi.

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuhah khim a zing hi.

Mattiu 24:17

inn tungah a om mite zong, inn sungah van a la dingin lut nawn kei uh hen.

Mattiu 20:5

Tua ciangin sun sawm le nih ciangin pawlkhat cial leuleu a, nitak nai thum ciangin pawlkhat a cial lai hi.

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Daniel 6:10

Tua bang thupiakna lai kihawmkhia khinzo ta hi, ci-in Daniel in a theih ciangin a inn-ah a ciah hi. A inn dawl tungnungah Jerusalem lam a nga tawlet thum a om hi. Tua laitakah tawlet honsa-in a hih ngei bangin khukdinin ni khatin thumvei ta Pasian kiangah thu a ngen hi.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangte’ kiangah tuidawn biakna a piakna uh innte zong a haltum ding hi.

Jeremiah 19:13

Jerusalem khua-a innte le Judah kumpite’ innte a kipan, innkhum zangah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

1 SAMUEL MASA 9:25

Amaute mualtung a biakna panin khuapi sungah a paisuk uh ciangin innkhumzangah Saul a dingin lupna khat na kiphah a, a ihmu dingin amah lumsuk hi.

1 TIMOTI MASA 2:8

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

2 SAMUEL NIHNA 11:2

Khatvei nitak lamin a lupna panin David tho-in kumpi innkhumzangah a pai leh innkhumzang panin amah in numei khat a kisil galmuh kha hi. A numei melhoih mahmah hi.

Sawltak 10:3

Khatvei nitak nai thum pawlin maang mu a, Pasian’ vantungmi khat hong pai-in ama kiangah, “Kornelias aw,” ci-in a sapna teltakin a thei hi.