Sawltak 10:8 - Tedim Bible

⁸ a thupiang khempeuh amaute kiangah a genkhit ciangin Joppa khua-ah a paisak hi.

Tedim Bible Revision 2017

⁸ a thupiang khempeuh amaute kiangah a gen khit ciangin Joppa khua ah a paisak hi.

Sawltak 10:8 Referans Kwoze

Sawltak 26:19

“Tua bang hi a, kumpi Agrippa aw, ka maangmuhna sunga vantung pana hong pai pa’ thugen ka mang hi.

Sawltak 10:33

Tua ahih manin nang kong samsakpah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasian’ omna hih lai munah a om ka hi uh hi,” ci-in a dawng hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua-ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 9:42

Joppa khuasung khempeuhah hih thu kitheikim a, mi tampi in Topa a um uh hi.

Sawltak 9:43

Joppa khua-ah ni tampi sung Peter tamlai a, savunnim nasepin a nei Simon a kici mipa tawh a omkhawm hi.

Sawltak 10:7

Tua khit ciangin ama kiangah thu a gen vantungmi paikhia a, Kornelias in zong ama innsung nasemte nih le biakna a hahkat mahmah, ama sawltakin a neih galkapte khat sam a,

Sawltak 10:17

Peter in tua a maangmuhna bang a cihnopna hi ding ahi hiam, ci-in lamdangsa-in a om laitakin, Kornelias in a sawl mite in Simon’ inn hong kan kawikawi uh a, a inn hong thei uh ahih manin a kongbiang hong tungta uh hi.