Sawltak 10:45 - Tedim Bible

⁴⁵ Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong paikhawm Jew mi thu umte in lamdang a sa mahmah uh hi.

Tedim Bible Revision 2017

⁴⁵ Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Sawltak 10:45 Referans Kwoze

Sawltak 10:23

Tua ahih manin amah tawh a giakkhawm dingin Peter in amaute a sam hi. A zing ciangin Peter zong kithawi-in amaute tawh paikhawm a, Joppa khua-a om thu um mi pawlkhatte in zong a zui uh hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

Efesa 2:11

Amau mahmah in amau pumpi tungah a hihna uh tawh vun a ki-at mite ka hi uh a ci Jew mite in, vun a ki-at lo mite a hong cih uh, na pian’ na patun Gentail mi ahi note in nidanga na omzia uh phawkkik dih un.

Galati 2:15

A taktakin ci lehang kote pen ka pian’ ka patun Jew mi ka hi uh a, “Mawhnei Gentail mi,” ka cih pawlte uh ka hi kei uh hi.

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Sawltak 11:3

“Bang hangin vun a ki-at lo Gentail mite’ inn-ah tung a, amaute tawh an nangawn nekhawm na hi hiam?” a ci uh hi.

Sawltak 11:2

Tua ahih manin Jerusalem khua-ah Peter a pai ciangin Gentail mite zong vun a ki-at ding uh ahi hi, ci-in a ngaihsun mite in Peter mawhsak uh a,

ROM (Romans) 5:5

Pasian in eite tungah a hong piak a Kha Siangtho tawh eite sungah ama itna hong guang ahih manin hih lametna in eite hong lungkiasak ngei lo hi.