Sawltak 10:4 - Tedim Bible

⁴ Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Tedim Bible Revision 2017

⁴ Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Sawltak 10:4 Referans Kwoze

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

Malakhi 3:16

Topa a zahtak mite khatlekhat tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

Mangmuhna 8:4

Pasian’ mai-ah a ding vantung mipa’ khutsung panin paknamtui khu le Pasian’ mite’ thungetna van lam manawhin kizialto hi.

Late 141:2

Ka thungetna pen na mai-ah paknamtui bangsak inla, ka khutte ka laptohna pen nitak biakpiakna bangsak in.

Filippi 4:18

Note’ hong piak nate kicing piikpeek hi. Epafroditas in note’ hong na khakte hong tunpih ahih manin ka kitangsapna khempeuh kicingkim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Luka 1:29

Mary in vantungmi’ thugen a zak ciangin, bang a cihnopna hi ding ahi hiam, ci-in lamdang a sa mahmah hi.

Mattiu 26:13

Note kiangah a mantak a kong genin-ah: Keima hangin a piang ding lungdamna thu a kigenna leitung khempeuhah hih numei kiphawkin a gamtatnate kigengen ding hi,” a ci hi.

Daniel 10:11

Amah in, “Daniel aw, Pasian in nang hong it hi. Ding inla kong thugente limtakin ciamteh in. Na kiangah thu a gen dingin kei hong kisawlzo hi,” a hong ci hi. Amah in hih thuteng a hong gen khit ciangin ling kankan kawmin ka ding hi.

Isaiah 43:26

“Thuman na hihna hong laktel inla, thu kikum khawm ni. Na dikna a kilat nadingin na thu hong sungkhia in.

2 KHANG TANGTHU NIHNATE 32:24

Tua hun lai-in Hezekiah cina-in si dektak a, amah in Topa’ tungah thu ngen hi. Topa in a ngetna pia-in ama tungah lim khat a pia hi.

2 KHANG TANGTHU NIHNATE 6:33

na tenna mun vantung panin za inla, gamdang mipa in na tungah hong ngetna khempeuh tawh kizui-in hih in. Tua hileh nangma mi Israel-te mah bangin leitung mi khempeuh in na min thei-in nang hong zahtak ding uh a, keima lamsa hih biakinn pen nangma min tawh a kilo ahihna thei ding uh hi.

1 SAMUEL MASA 3:10

Topa hong pai-in hong ding a, a hun dangte-a mah bangin, “Samuel! Samuel!” ci-in a sam hi. Tua ciangin Samuel in, “Hong gen in, na nasempa in za hi,” a ci hi.

Sawltak 22:10

Tua ciangin kei zong, ‘Topa aw, bangci gamtat ding ka hi hiam?’ ci-in ka dot ciangin amah in, ‘Tho inla, Damaskas khua-ah pai in. Nang’ hih dingin Pasian in a sehsa thu khempeuh, tua khua panin hong kigen ding hi,’ a hong ci hi.

Luka 24:5

Numeite lau mahmah uh ahih manin lei lam nga-in kuncip uh hi. Tua mi nihte in, “Bang hangin misite lakah mihing zong na hi uh hiam?

Isaiah 45:19

Keimah in mun simtham, khuamialna gam sungah thu ka gen kei hi. Jakob suanlekhakte tungah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Siampi Laibu 2:2

tua ciangin Aaron’ suan siampite kiangah paipih ding hi. Tua ciangin siampipa in annel khutdim le sathau, a paknamtui khempeuh tawh la ding a, siampipa in hih pen Topa a dingin a gim namtui, mei tawh biakna, phawkna-in biakna tau tungah hal ding hi.

Late 20:3

Na biakpiaknate khempeuh amah in hong phawk hen la, na meihal biakpiakna hong sang ta hen!

Sawltak 3:4

Amau tegel in tua mipa limtakin en uh a, Peter in, “Kote hong en dih in,” a ci hi.

Sawltak 14:9

Amah in Paul’ thuhilhte limtakin a ngai hi. Tua mipa in damna a ngahzawh nading zahin upna nei hi, ci-in Paul in a muh ciangin limtakin amah en a,