Sawltak 10:39 - Tedim Bible

³⁹ Amah in Jerusalem khua le Jew mite omna mundang khempeuhah a septe khempeuh a thei tecite ka hi uh hi. Jew mite in sing tungah amah khai-in a that uh hi.

Tedim Bible Revision 2017

³⁹ Amah in Jerusalem khua le Jew mite omna mun dang khempeuh ah a septe khempeuh a thei tecite ka hi uh hi. Jew mite in sing tungah amah khai-in a that uh hi.

Sawltak 10:39 Referans Kwoze

Luka 24:48

Note pen hih thu khempeuh a thei teci na hi uh hi.

Sawltak 10:41

Mi khempeuh tungah kilangsak loin, a thei teci dingin Pasian in a hong teelsa kote bek tungah hong kilangsak hi. Sihna panin a hinkik khit ciangin kote in amah tawh an nekhawm tui dawnkhawmin ka om uh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Sawltak 2:32

Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

Sawltak 13:31

Galilee gam le Jerusalem khua kikalah amah tawh khual a zinzin khawm ngei mite tungah tam veipi a mun tuamtuamah na kilang hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Johan 15:27

A kipat cil a kipanin kei tawh omkhawm na hih manun note in zong keima thu na gen ding uh hi.

Luka 1:2

A kipat cil a kipanin amau’ mit mahmah tawh a mu mite in hong gente uh a gelh uh ahi hi.