Sawltak 10:30 - Tedim Bible

³⁰ Kornelias in, “Tuni tawh sim tuma ni li lai-in tubang hun nitak nai thum laitakin ka inn-ah thungenin ka om hi. Tua bangin thungenin ka om laitakin puanpak mahmah a silh mi khat ka mai-ah hong dingvat a,

Tedim Bible Revision 2017

³⁰ Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Sawltak 10:30 Referans Kwoze

Sawltak 10:3

Khatvei nitak nai thum pawlin maang mu a, Pasian’ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Sawltak 1:10

Tua bangin Jesuh a kilaktoh ciangin amaute in vantung lam enenin a om laitakun amaute kiangah puanpak a silh mi nih hong dingvat a,

Sawltak 3:1

Nikhat, thunget hun nitak nai thum laitakin biakinn-ah Peter le Johan a pai uh hi.

Luka 24:4

Amaute in lamdangsa-in a om laitakun amaute gei-ah puanpak a silh mi nih hong dingvat uh hi.

Marka 16:6

Tua tangvalpa in, “Lamdangsa kei un. Singlamteh tungah a kithat Nazareth khuami Jesuh na zong uh hi. Amah kithokiksak khin a, hih lai-ah om nawn lo hi. Amah a kisialna mun hong en un.

Mattiu 28:3

Ama mel, khuaphialep tawh kibang a, a puan zong vuk bangin a pak hi.

Late 55:17

Nitak, zingsang, le sunin ka gimna leh ka thumnate ama tungah ka gen a, amah in keima thumna aw, hong za ding hi.

Daniel 10:12

Tua ciangin amah in, “Daniel aw, lau kei in. Kiniamkhiat dingin na lungsim na khensat masak pen ni a kipan, tua thu na theihtheih nadingin Pasian in na thungetna a hong zazo hi. Na thungetna bang a hong pia dingin ka hong pai hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zaktheih nadingin a inn-ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 10:29

Tua ahih manin kei nong sap uh ciangin nial loin kong pai hi. Tu-in bang thu-a hong sam na hi uh hiam?” ci-in a dong hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.