Sawltak 10:23 - Tedim Bible

²³ Tua ahih manin amah tawh a giakkhawm dingin Peter in amaute a sam hi. A zing ciangin Peter zong kithawi-in amaute tawh paikhawm a, Joppa khua-a om thu um mi pawlkhatte in zong a zui uh hi.

Tedim Bible Revision 2017

²³ Tua ahih manin amah tawh a giak khawm dingin Peter in amaute a sam hi. A zing ciangin Peter zong kithawi-in amaute tawh pai khawm a, Joppa khua-a om thu um mi pawl khatte in zong a zui uh hi.

Sawltak 10:23 Referans Kwoze

Sawltak 11:12

Lunghiang loin amaute ka zuihpah nadingin Kha Siangtho in kei tungah hong gen khinzo hi. Joppa khua panin hih i sanggam gukte in zong Sisaria khua-ah hong zui uh a, ka vekpi-un Kornelias inn-ah ka lut uh hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong paikhawm Jew mi thu umte in lamdang a sa mahmah uh hi.

1 PETER MASA 4:9

Khatlekhat maitai takin zinleleeng na kido un.

Hebru 13:2

Khualmite hoihtakin zin na do ding uh na phawk un. Mi pawlkhat in vantung mite zindo ahihlam a phawk lopi-in a do na hi gige uh hi.

2 KORIN NIHNA 8:21

Bang hang hiam cih leh Topa’ hoihsak ding bek hi loin mite in zong hoih a sak ding bangin na a semnuam ka hi uh hi.

Sawltak 10:33

Tua ahih manin nang kong samsakpah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasian’ omna hih lai munah a om ka hi uh hi,” ci-in a dawng hi.

Sawltak 10:29

Tua ahih manin kei nong sap uh ciangin nial loin kong pai hi. Tu-in bang thu-a hong sam na hi uh hiam?” ci-in a dong hi.

Sawltak 9:42

Joppa khuasung khempeuhah hih thu kitheikim a, mi tampi in Topa a um uh hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua-ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Sawltak 1:15

Tua khit a sawt loin thu um mi zakhat le sawmnih bang a kikhop khawm laitakun Peter hong dingin thu hong gen a,

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Sawltak 28:15

Rom khua-a om ulenaute in kote’ thu na za uh ahih manin pawlkhat in, “Appias Sumbuk,” ciang dong hong dawn uh a, pawlkhat in “Ansai Thumna,” ciang hong ban uh hi. Paul in amaute a muh ciangin Pasian tungah a lungdamna ko a, a lungsim hong nuam mahmah hi.