Sawltak 10:2 - Tedim Bible

² Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpitakin na sem a, Pasian kiangah thu a ngen tawntung mi khat ahi hi.

Tedim Bible Revision 2017

² Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpi takin na sem a, Pasian kiangah thu a ngen tawntung mi khat ahi hi.

Sawltak 10:2 Referans Kwoze

Sawltak 10:4

Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zaktheih nadingin a inn-ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 13:16

Tua ahih manin Paul hong ding a, a khut vanin thugen ding hong kipan a, “Israel mipihte le hih lai-ah Pasian a bia Gentail mite aw, ka thugen na ngai un.

Sawltak 10:35

kua mi kua mi hitaleh amah zahtakin a manin a gamta mi khempeuh a sanna thu teltakin ka thei hi.

Sawltak 10:7

Tua khit ciangin ama kiangah thu a gen vantungmi paikhia a, Kornelias in zong ama innsung nasemte nih le biakna a hahkat mahmah, ama sawltakin a neih galkapte khat sam a,

Sawltak 8:2

Thu um mi pawlkhat in Stefen vui uh a, nakpitakin dahin a kap uh hi.

Mangmuhna 15:4

Topa aw, nang, kua in hong kihta lo ding a, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai-ah hong bia ding uh hi,” a ci uh hi.

Sawltak 18:8

Kikhopna inn ukpa Krispas le a innsunga om mi khempeuh in Topa thu um uh a, Korin khua-a om midang tampite in zong thuhilhna ngai-in um uh a, tui a kiphum uh hi.

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Daniel 6:16

Tua ciangin kumpipa in humpinelkai kikhumna sungah Daniel a khiat dingun thu a pia hi. Amah in Daniel kiangah, “Thuman takin na biak tawntung na Pasian in hong honkhia ta hen,” a ci hi. Tua ciangin humpinelkai kikhumna sungah Daniel a khia uh hi.

Jeim 1:5

Pilna kisam na om uhleh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

1 THESALONIKA MASA 5:17

thu ngen niloh unla,

Kolose 4:2

Lungsim takpi tawh thu ngen tawntung unla, kidawm kawmin lungdamna tawh thu ngen un.

Sawltak 22:12

“Tua khua-ah Ananias min nei, Thukham limtakin zui-in biakna hahkat mahmah, Damaskas khua-a om Jew mite in a zahtak mahmah mi khat a na om hi.

Sawltak 13:50

Ahi zongin Jew mite in tua khuasung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a taikhia sak uh hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Sawltak 9:11

Tua ciangin Topa in Ananias kiangah, “Kithawi-in Kongzing Tang gei-a Judas inn-ah va pai inla, Tarsas khuami Saul min nei mi khat va kan in. Tua Saul in thu ngen a,

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesuh in a nungzuite kiangah thugentehna khat gen a,

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo ding a, a vangliatna a bei ngei kei ding hi.

Daniel 6:20

Humpinelkai kikhumna a tun dektak laitakin aw ling kawmin, “Daniel, a nungta Pasian’ nasempa! Thuman takin na biak tawntung na Pasian in humpinelkai kamsung panin a hong honkhia thei hiam,” ci-in a kiko hi.

Daniel 6:10

Tua bang thupiakna lai kihawmkhia khinzo ta hi, ci-in Daniel in a theih ciangin a inn-ah a ciah hi. A inn dawl tungnungah Jerusalem lam a nga tawlet thum a om hi. Tua laitakah tawlet honsa-in a hih ngei bangin khukdinin ni khatin thumvei ta Pasian kiangah thu a ngen hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Thuhilh-sia 7:18

A nih tuakin lenkip in. Pasian na zahtak nakleh khat peuhpeuh na zuihna-ah na maa vang ding hi.

Late 119:2

Ama thuhilhnate zui-in, a lungsim khempeuh uh tawh amah zongin, khialhna zong bawl loin, ama lampi a zuite, thupha ngah ahi hi.

Late 102:15

Minamte in Topa hong zahtakin, leitung kumpi khempeuh in na minthanna hong zahtak ding uh hi.

Late 88:1

Topa, ka Pasian aw, sunin huhna kong ngen a, zan hun sungin nangma mai-ah kong kiko hi.

Late 86:3

Nang pen ka Pasian na hi hi. Topa aw, sun tawntung hong kiko ka hih manin kei hong hehpih in.

Late 55:17

Nitak, zingsang, le sunin ka gimna leh ka thumnate ama tungah ka gen a, amah in keima thumna aw, hong za ding hi.

Late 41:1

Mi genthei a khualte thupha ngah ahi hi. Topa in haksatna hunah amaute honkhia ding hi.

Late 25:5

Na thuman sungah kei hong paipih inla, lam hong hilh in. Bang hang hiam cih leh kei a hong hon Pasian na hi a, nang kong muang tawntung hi.

JOB (Job) 1:5

Tua banga a pawi bawl uh gual khat a kikhit ciangin Job in a tapate samin amaute siansuah a, zingsangin tho baihin a ta phazah tawh kizui-in meihal biakna a pia hi; bang hang hiam cih leh Job in, “Ka tate khialin, a lungsim sung uhah Pasian samsia khathei ding uh hi,” a ci hi. Tu-a bangin Job in hih tawntung hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

2 KHANG TANGTHU NIHNATE 6:33

na tenna mun vantung panin za inla, gamdang mipa in na tungah hong ngetna khempeuh tawh kizui-in hih in. Tua hileh nangma mi Israel-te mah bangin leitung mi khempeuh in na min thei-in nang hong zahtak ding uh a, keima lamsa hih biakinn pen nangma min tawh a kilo ahihna thei ding uh hi.

1 KUMPI MASATE 8:43

na tenna vantung panin za inla, tua gamdang mipa in nang tungah hong ngetna khempeuh tawh kizui-in hih in. Nangma mi Israel-te mah bangin leitung mi khempeuh in na min thei-in nang hong zahtak nading, le hih ka lamsa biakinn pen nangma min tawh a kilo ahihna a theihna ding uh ahi hi.

Joshua 24:15

Topa’ na na sepnop kei uhleh, Gun galkhat a a na na sepsak uh na pu na pate uh pasian ahi a, note’ tenna gam Amor mite’ pasian ahi zongin, a na na sepsak ding peuhpeuh uh tuni-in teel un. Ahih hangin kei le ka innkuanpihte in ahihleh Topa’ na ka sem ding uh hi,” a ci hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tunsak theih nadingin ama khita a tate le a innkuanpihte in thuman le thutangin nasepna tawh Topa’ thupiakte a zuih theih nadingun a hilh dingin amah ka teel khin hi,” a ci hi.

Sawltak 2:5

Tua laitakin biakna pawi siim dingin gam tuamtuam panin a hong pai Jew mi biakna hahkat mi tampi tak, Jerusalem khua sungah a om uh hi.

Sawltak 11:14

Amah in nang le na innkuan khempeuh un hotkhiatna na ngah nading uh thu hong gen ding hi,’ a cihna thu a hong gen hi.

Mattiu 25:17

Tul nih a ngah pa in zong a meet tulnih mah a ngahthuah hi.