Sawltak 10:16 - Tedim Bible

¹⁶ Tu-a bangin a thumveina dong a cihkhit ciangin vantung lamah tua a peek deda a kilato kik hi.

Tedim Bible Revision 2017

¹⁶ Tu-a bangin a thum veina dong a cih khit ciangin vantung lamah tua a peek deda a kilatokik hi.

Sawltak 10:16 Referans Kwoze

2 KORIN NIHNA 13:1

Tu-a ka hong pai nading pen a thumveina hita hi. Lai Siangtho sungah, “Mawhna a bawl khat peuhpeuh a thei mi nih le thum a om ciang bekin a mawh hi, ci-in kingaihsun pan ding hi,” ci-in a kigelh mah bangin tua bangin ka hong sem ding hi.

Johan 21:17

Jesuh in a thumveina dong leuleu a, “Johan’ tapa Simon aw, kei na hong it hiam?” a cih ciangin, “Kei na hong it hiam?” ci-in thumvei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesuh in, “Ka tuute na kem in.

Piancilna 41:32

Faro’ mang nih a phakna pen tua thu Pasian’ sehsa hi, a cihnopna hi a, Pasian in tomno sungin hong tungsak ding hi.

Ezekiel 11:24

Tua ciangin ka maang sung mahin Pasian’ kha in hong leenpihin Babylon gamah salin a omte kiang hong tunpih hi. Tua ciangin ka maangmuhna hong beita a,

Sawltak 10:15

A awging in ama kiangah, “Pasian in a siangin a gensa khat peuhpeuh a ninin ngaihsun kei in,” a ci leuleu hi.

Sawltak 10:17

Peter in tua a maangmuhna bang a cihnopna hi ding ahi hiam, ci-in lamdangsa-in a om laitakin, Kornelias in a sawl mite in Simon’ inn hong kan kawikawi uh a, a inn hong thei uh ahih manin a kongbiang hong tungta uh hi.