Sawltak 1:6 - Tedim Bible

⁶ Tua bangin Jesuh tawh a omkhawm laitakun sawltakte in Jesuh kiangah, “Topa aw, tutungin Israel minamte tungah ukna aana na piakik ding hiam?” ci-in a dot uh ciangin

Tedim Bible Revision 2017

⁶ Tua bangin Jesu tawh a om khawm laitakun sawltakte in Jesu kiangah, “Topa aw, tutungin Israel minamte tungah ukna aana na piakik ding hiam?” ci-in a dot uh ciangin

Sawltak 1:6 Referans Kwoze

Luka 19:11

Jesuh pen Jerusalem khua a tung dektak hi a, Pasian’ Ukna hun hong tung kuanta ding hi, ci-in mite in zong ngaihsun uh ahih manin, mite in ama thugen a na ngaih laitakun Jesuh in amaute kiangah thugentehna khat genthuah lai a,

Luka 17:20

Khatvei Farisi mite pawlkhat in, cik ciangin Pasian’ Ukna hun hong tung ding ahi hiam, ci-in Jesuh dong uh a, Jesuh in, “Pasian’ Ukna pen mit tawh muhtheihin hong tung lo ding hi.

Daniel 7:27

“Hih leitung kumpi gam, vangliatna, le liatna khempeuh a Lianpen Pasian’ mite tungah a kipia ding hi. Amau’ kumpi za cikmah hunin bei ngei lo ding a, leitung ukna za a nei khempeuhte in a thu uh mangin amaute’ na a sem ding uh hi,” hong ci hi.

Mattiu 24:3

Oliv Mual tungah Jesuh tu-in a om laitakin a nungzuite guak a tuamin hong pai uh a, “Hih thute cik ciangin hong piang ding a, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Luka 22:29

Ka Pa in uk nading aana kei tungah hong piak mah bangin kei zong note tungah ka hong pia ding hi.

Mattiu 17:11

Jesuh in, “Na khempeuh a bawlkhol dingin Elijah hong pai masa takpi hi.

Mattiu 20:21

Jesuh in tua nupi kiangah, “Bang deih na hi hiam?” ci-in a dot ciangin amah in, “Kumpi-in na om ciangin hih ka tate khat na taklamah, khat na veilamah a tut nadingin thu pia lecin ka ut hi,” a ci hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Amos 9:11

Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Jeremiah 33:26

Jakob le ka nasempa David’ suante ka nial ding a, Abraham, Isaac, le Jakob’ suante a uk dingin amaute’ lakah mi khat zong a teello ding mah ka hi hi. Ahi zongin tu-in tua bang hi loin amaute ka hausakkik ding a, ka hehpih ding hi,” a hong ci hi.

Isaiah 1:26

A masa-a bangin na thukhente, a kipat cil-a bangin na upate ka koihkik ding hi. Tua khit ciangin nang pen thuman khuapi, thutak khuapi, hong kici ding hi,” a ci hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Johan 21:21

Peter in amah a muh ciangin Jesuh kiangah, “Topa aw, hih mipa bangci ding ahi hiam?” ci-in a dot leh

Marka 9:12

Jesuh in, “Na khempeuh a bawlkhol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.