Sawltak 1:13 - Tedim Bible

¹³ Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeas’ tapa James, Simon (gam khual pa), le James’ tapa Judas a tunna uh inn dei-ah a kahto uh hi.

Tedim Bible Revision 2017

¹³ Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeasʼ tapa James, Simon (gam khual pa) le Jamesʼ tapa Judas a tunna uh inn dei ah a kah to uh hi.

Sawltak 1:13 Referans Kwoze

Sawltak 20:8

Ka kikhopna uh inn dawl tungnung sungah meivak tampi a kivak hi.

Luka 22:12

Amah in a baihsa-in a na kikoihsa inndei tungnung a zai khat hong lak ding hi. Tua lai-ah a kisam khempeuh a baihsa-in na koih un,” a ci hi.

Marka 14:15

Amah in a baihsa-in a na kikoihsa inndei tungnung a zai khat hong lak ding hi. Tua lai-ah na bawl un,” a ci hi.

Marka 2:14

Tua bangin a paina-ah Alfeas tapa Levi, a siahdonna zumah tu-in a om a mu hi. Jesuh in ama kiangah, “Kei hong zui in,” a ci hi. Levi zong dingin Jesuh’ nung a zuipah hi.

Jeim 1:1

Pasian le Topa Jesuh Khrih sila keimah James in Leitung mun khempeuhah kithehthangin a om minam sawm le nihte tungah hopihna lai ka hong gelh hi.

Sawltak 12:17

Amaute a pau nawn loh nadingun Peter in a khut van a, thong sung panin Topa in amah a paikhiatpihna zia teng a gen hi. Tua ciangin, “James le pawlpi midangte kiangah hih thu na gen un,” ci-in a vaikhak khit ciangin mundangah a paikhia hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

Juda 1:1

Jesuh Khrih’ sila ka hih banah James’ nau keimah Jude in: Pasian’ sapna hangin Jesuh Khrih kepna sungah Pasian itna tawh a om mite tungah lai ka hong khak hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Galati 1:19

Tua hun laitakin Topa’ sanggam James simloh sawltak kuamah dang ka mu kei hi.

Sawltak 15:13

A thugen uh a man khit ciangin James in thu hong gen a, “Lawmte aw, ka thugen hong ngai dih un.

Sawltak 4:19

Ahi zongin Peter le Johan in, “Note’ thu manzawk ding le Pasian’ thu manzawk ding, Pasian’ muhna panin koi pen manzaw ding cih thu nomau mah in zong ngaihsun ciat un.

Sawltak 4:13

Uliante in Peter le Johan a han’ mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesuh tawh a kikhawl khin ngeite ahihna uh a phawk uh hi.

Sawltak 2:14

Tua ciangin sawltak sawm le khatte tawh a omkhawm Peter hong dingto-in, mihonte tungah nakpitakin thu hong gen a, “Ka mipih ahi Jew mite le Jerusalem khuasunga om mi khempeuhte aw, hih thupiang hong gen ding ka hih manin limtakin na ngai un.

Johan 21:2

Simon Peter, Unau Peeng minno a nei Thomas, Galilee gam Kana khuami Nethanel, Zebedi’ tapate, le nungzui dang nihte mun khatah a omkhawm uh hi.

Johan 18:17

Kongcing numei in Peter kiangah, “Hih mipa’ nungzuite khat hi lo na hi hiam?” a cih leh, “Ka hi kei hi,” ci-in a dawng hi.

Johan 11:16

Tua ciangin, “Unau Peeng,” minno a nei Thomas in, “Ei zong amah tawh a sikhawm dingin va zui ni,” ci-in a nungzuihpihte a zawn hi.

Marka 14:33

Tua ciangin Peter, James, le Johan-te paipih lai a, nakpitakin lungkhamin a dahna hong kipan hi.

Marka 9:2

Tua zawh ni guk khit ciangin Jesuh in Peter, James, le Johan-te samin amauteng guak mualtung khatah a paipihto hi. Amaute’ muhtangpi mahin Jesuh a mel hong kikheel a,

Marka 5:37

Tua lai panin Jesuh in Peter le James le a nau Johan longal kuamah dang kizuisak nawn lo hi.

Mattiu 9:9

Tua lai mun panin Jesuh a paikhiat ciangin siahdongpa Matthai a zumah tu-in a om mu a, “Hong zui in,” a cih leh amah zong dingin a zuipah hi.

2 JOHAN NIHNA 1:1

A khangham bel keimah Johan in Teeltuam ahi, kong it taktak tonu le na pawlpi mite kiangah lai ka hong gelh hi. Kei bek in a hong it hi loin thuman a thei taktakte khempeuh in zong hong it uh hi.

1 KORIN MASA 15:7

Tua ciangin James tungah kilang a, tua banah sawltak sawm le nihte tungah kilang leuleu hi.

Johan 14:22

Tua ciangin Judas Iskariot ahi lo Judas dang khat in, “Topa aw, leitung mite tungah kilang loin kote tungah bangci-in hong kilangtuam thei ding na hi hiam?” ci-in a dot ciangin