Ruth 4:15 - Tedim Bible

¹⁵ Amah pen nang a dingin na nuntakna a hong piakik, le na khanghamna-ah hong vak pa hi ding hi; bang hang hiam cih leh, tapa sagih sangin a thupizaw, nangmah hong it na monu’ neih tapa ahi hi,” a ci uh hi.

Tedim Bible Revision 2017

¹⁵ Amah pen nang adingin na nuntakna a hong piakik le na khanghamna ah hong vak pa hi ding hi; bang hang hiam cih leh, tapa sagih sangin a thupi zaw, nangmah hong it na monuʼ neih tapa ahi hi,” a ci uh hi.

Ruth 4:15 Referans Kwoze

Late 55:22

Topa tungah na vangik nga in, amah in hong huh ding hi. Amah in mi thumante kilingsak ngei lo ding hi.

Isaiah 46:4

Na teek dongun kei pen Amah ka hi a, na sam uh a kan’ hun dongin note kong kem ding hi. Ka hong bawlkhin a, ka hong don ding hi. Keimah in hong tawi-in ka hong honkhia ding hi.

Piancilna 45:11

Hong tung ding kialpi kum nga omlai ahih manin tua lai-ah nang kong vak ding hi. Tua hi kei le nang le na innkuanpihte le na neih khempeuh in zawnna na ngah ding uh hi, ci hi,’ va ci un.

Paunak 18:24

Lawm pawlkhatte sauvei kimang lo a, lawm pawlkhatte sanggam sangin kipzaw hi.

1 SAMUEL MASA 1:8

Tua ciangin ama pasal Elkanah in, “Hannah aw, bang hangin kap na hi hiam? Bang hangin an ne lo na hi hiam? Bang hangin na lungsim dah ahi hiam? Kei pen tapa sawm sangin nang a dingin hoihzaw hi lo ka hi hiam?” a ci hi.

Piancilna 47:12

Josef in a pa, a sanggamte, le a pa’ innkuante khempeuh a ne ding zah tawh kizui-in an a pia hi.

Ruth 4:16

Tua ciangin Naomi in naungek la-in a ang-ah tawi a, amah a cingnu a suak hi.

1 SAMUEL MASA 2:5

A gilvahte in an thalawh uh a, ahih hangin a gilkialte kial nawn lo uh hi. Tasel mi in ta sagih nei a, ahih hangin ta tampi a nei nu a lungzuang hi.