Ruth 4:11 - Tedim Bible

¹¹ Tua ciangin kulhkongpi-a om mite khempeuh le upate in, “Kote, teci ka hi uh hi. Topa in Israel-te’ pianna Rachel le Leah bangin na innkuan sunga hong pai numei bawl tahen. Efrathah-ah na dau pai hen la, Bethlehem-ah na min thang tahen.

Tedim Bible Revision 2017

¹¹ Tua ciangin kulh kongpi a om mite khempeuh le upate in, “Kote, teci ka hi uh hi. Topa in Israel-teʼ pianna Rachel le Leah bangin na innkuan sunga hong pai numei bawl tahen. Efrathah ah na daupai henla, Bethlehem ah na min thang tahen.

Ruth 4:11 Referans Kwoze

Piancilna 29:32

Leah gai-in tapa khat nei a, amah in a min Reuben a phuak hi. Bang hang hiam cih leh amah in, “Topa in ka thuakna hong muzo hi; tu-in ka pasal in kei hong it taktak ding hi,” a ci hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Late 132:6

Jaar gam sungah Thuciamna Singkuang ka mu uh hi, cihna thuthak Bethlehem-ah kiza hi.

Ruth 1:2

Tua mipa’ min Elimelek hi a, a zi’ min Naomi hi-in, a tapa nihte min Mahlon le Khilion ahi hi. Amaute pen Judah gam Bethlehem-a Efrathah mite ahi uh hi. Amaute Moab gamah pai-in tua lai-ah om uh hi.

Thu-hilhkikna 25:9

upate’ omin a sanggampa’ zi ama kiangah paito-in a khe panin a khedap kaihkhiatsakin a maitang cilphih ding hi. Tua ciangin tua nu in, ‘A sanggampa’ innkuan a zomto lo mipa hih bangin kibawl ta hen,’ cikhia ding hi.

Piancilna 24:60

Amaute in Rebekah thupha pia-in ama kiangah, “Kote’ sanggamnu aw, a tultul a thenthente’ nu hi ta in. Na suanlekhakte in amau a mudahte’ khuapite luah ta uh hen!” a ci uh hi.

Paunak 14:1

Numei pilte in innsung nuntakna khangsak a, numei haite in innsung susia hi.

Piancilna 23:10

Tua laitakin Hit mite’ lakah Efron zong a om ahi hi. Khuapi kulhkongpi-ah a hong pai Hit mite khempeuh’ zakna-ah Hit mi Efron in Abraham dawng a,

Piancilna 29:25

A zingsang ciangin, Leah na hi mawk hi. Jakob in Laban kiangah, “Bangci a kei hong hici bawl na hi hiam? Rachel ngah nadingin na na hong sem hi lo ka hi hiam? Tua ahihleh bang hangin kei hong khem na hi hiam?” a ci hi.

Paunak 31:23

Thukhen upate lakah a pasal a tut ciangin mite’ lakah a kitheikim mi khat ahi hi.

Piancilna 29:16

Tu-in Laban in tanu nih nei hi. A uzaw’ min Leah hi a, a nauzaw’ min Rachel ahi hi.

Piancilna 35:23

Leah’ tapate: Reuben (Jakob’ ta u pen), Simeon, Levi, Judah, Issakhar, le Zebulun ahi hi.

Piancilna 35:24

Rachel’ tapate: Josef le Benjamin ahi hi.

Thu-hilhkikna 25:7

Mipa in a sanggampa’ zi a laknop kei leh, upate kiang kongpi-ah a sanggampa’ zi pai ding a, ‘Ka pasal’ sanggampa in a sanggampa’ min Israel sungah a zop ding ut lo a, pasal’ sanggampa’ nasep kei tungah hong sem nuam lo hi,’ ci ding hi.

1 KUMPI MASATE 21:8

Tua ahih ciangin amah in Ahab’ minin laikhakte gelhin ama min gelhna tawh tua laite tungah gelh a, ama khuapi sungah Naboth tawh a teng upate le uliante tungah tua laite a khak hi.

1 KHANG TANGTHU MASATE 2:51

Bethlehem khuapi a sat Shalma, le Bethgader khuapi a sat Haref ahi uh hi.

Jeremiah 32:10

Thukimna lai bawlin, min gelhin, gip khenin, a hong theihpih ding mite zong ka sap khit ciangin tawi khaina-ah sum ka teh hi.