Biblia Todo Logo
Bib sou entènèt

- Piblisite -




Ruth 4:1 - Tedim Bible

1 Tua ciangin mihon kikhopna kulhkongpi-ah Boaz paito-in tua munah tusuk hi. Tua laitakin a tanaute, Boaz’ gen pa hong pai hi. Tua ahih ciangin Boaz in, “Hong pai dih in, lawm aw; hih lai-ah tu dih in,” a ci hi. Tua ciangin amah hong kihei-in tusuk hi.

Gade chapit la Kopi

Tedim Bible Revision 2017

1 Tua ciangin mihon kikhopna kulh kongpi ah Boaz pai to-in tua munah tu suk hi. Tua laitakin a tanaute, Boazʼ gen pa hong pai hi. Tua ahih ciangin Boaz in, “Hong pai dih in, lawm aw; hih lai ah tu dih in,” a ci hi. Tua ciangin amah hong kihei-in tu suk hi.

Gade chapit la Kopi




Ruth 4:1
21 Referans Kwoze  

Kei pen tanau nai ka hi mah hi; ahih hangin kei sangin a naizaw tanau khat omlai hi.


Mipa in a sanggampa’ zi a laknop kei leh, upate kiang kongpi-ah a sanggampa’ zi pai ding a, ‘Ka pasal’ sanggampa in a sanggampa’ min Israel sungah a zop ding ut lo a, pasal’ sanggampa’ nasep kei tungah hong sem nuam lo hi,’ ci ding hi.


“Na minam uh tawh kizui-in Topa na Pasian un note hong piakna khuate-ah thukhente le uliante na koih ding uh a, amaute in a manin mite tungah thu khen ding uh hi.


Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam khathei ding hi.


“Zum thukhenna-ah zo-na ning cih ngaihsutna tawh tagah khatpeuh ka khem taak leh,


Khuasung upate a kikhop uh ciangin a kikhawm dingin kei ka pai ciangin


a nu le a pa in tua mipa manin ama khuapi upate kiang, a tenna mun kongpi-ah paipihin,


Topa in ama mite kiangah, “Mun khempeuhah note kong thehthang khin hi. Ahi zongin tu-in Babylon panin taikhia-in Jerusalem-ah ciahkik un.


A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.


numei ahi a, pasal ahi zongin tua banga a sia-in a gamta mi pen na khua pua uhah na paipih ding uh a, tua numei ahi a, pasal ahi zongin suang tawh na denglum ding uh hi.


Tua laitakin Hit mite’ lakah Efron zong a om ahi hi. Khuapi kulhkongpi-ah a hong pai Hit mite khempeuh’ zakna-ah Hit mi Efron in Abraham dawng a,


Tua ahih ciangin Hamor le a tapa Shekhem, amau’ khua kulhpi kongpi-ah hong pai-in a khuapih mite uh kiangah thu gen a,


Hih khuapite khat peuhpeuhah amah tai-in khuapi kongpi tumna-ah ding ding a, tua khuapi upate kiangah a thu gentel ding hi. Tua ciangin amaute in khuapi sungah amah paipihin amah mun khat pia ding a, amaute tawh amah omkhawm ding hi.


Amah in dawngin, “Ka tanu aw, a thu hong bangci suahkhiat cih na theih mateng ngak in; bang hang hiam cih leh amah mawk om lo ding a, tuni-in a thu siangsak ding hi,” a ci hi.


Absalom tho baihin kulhkongpi lam gei-ah tu zel hi. Mi khatpeuh in thu khensak dingin kumpipa’ mai-ah pai nading thu a neih ciangin Absalom in amah samin, “Koi khua pan na hi hiam?” a ci hi. Amah in, “Na nasempa, Israel-te sungah tua minam tua khua ka hi hi,” a cih ciangin


Tu-in Israel kumpipa le Judah kumpipa Jehoshafat a kumpi tokhom tung uhah tu-in a puantualpi uh tawh kizem uh hi. Samaria kulhkongpi lutna munah amaute tu uh a, amaute’ mai-ah kamsangte khempeuh in thu a gen uh hi.


Kongzing lakah mite’ gengen ka hi a, zukhamte in keima thu la-in hong sa uh hi.


Thukhen upate lakah a pasal a tut ciangin mite’ lakah a kitheikim mi khat ahi hi.


Thukimna lai bawlin, min gelhin, gip khenin, a hong theihpih ding mite zong ka sap khit ciangin tawi khaina-ah sum ka teh hi.


Vantung mi nihte Sodom ah nitakin hong tung a, Sodom khua kulhkongpi-ah Lot na tu hi. Lot in amaute a muh ciangin, amaute a dawn dingin ding a, leilakah a mai ngatin kun a,


Swiv nou:

Piblisite


Piblisite