Ruth 2:14 - Tedim Bible

¹⁴ Annek hun ciangin Boaz in tua nu kiangah, “Hih lai-ah hong pai in; anlum ne inla, leenggahzu sungah na an diah in,” a ci hi. Tua ahih ciangin anlate gei-ah amah tu a, tua pa in ankante tua nu a pia hi. Amah in a kham mateng ne a, a khamval zong pawlkhat omlai hi.

Tedim Bible Revision 2017

¹⁴ Annek hun ciangin Boaz in tua nu kiangah, “Hih lai ah hong pai in; anlum ne inla, leenggahzu sungah na an diah in,” a ci hi. Tua ahih ciangin anlate gei ah amah tu a, tua pa in ankante tua nu a pia hi. Amah in a kham mateng ne a, a khamval zong pawl khat om lai hi.

Ruth 2:14 Referans Kwoze

Ruth 2:18

Tua ciangin amah in tuate pua-in khuapi sungah a ciah hi. A an top teng a teeknu lakin, a ankhamvalte zong la-in a pia hi.

Mattiu 14:20

Mi khempeuh in ne-in a kham khit uh ciangin a khamvalte uh khawmkik uh a, paipel sawm le nih a dim hi.

Thu-hilhkikna 8:10

Note in ne-in na gil uh vah ding a, note tungah gam hoih hong piakna hangin Topa na Pasian uh na phat ding uh hi.

Isaiah 58:7

Na an uh a gilkialte tawh nekhawm unla, inn nei lo a zawngte na innsung uhah paipihin, tangguakin a om mite puan silhsakin, na mipihte uh kiang panin bu lo ding hi lo na hi uh hiam?

Isaiah 32:8

Ahih hangin mipi lungsim a nei mi in na a hoihte geel a, thuhoih nate-ah a pang hi.

Late 23:5

Keima galte’ muhna munah an nong lui hi. Thupi takin nong pahtawi a, keima hai zong dimlet ta hi.

2 SAMUEL NIHNA 17:28

lupnate, kuangte, le leibeelte, mangbuh, mangbuhham, an, an kan, bepi le besan,

1 SAMUEL MASA 25:18

Tua ciangin Abigail kinawhin, anlum lum zanih, leenggahzu savun thawl nih, a han’ minsa tuu nga, ankan lawh nga, leenggahkeu bawk zakhat, le theimoh zanih la-in late tungah tuate a guang hi.

1 SAMUEL MASA 17:17

Tua ciangin Jessi in a tapa kiangah, “Hih ankan seu khat le hih anlum sawm na ute puak dingin guang inla, na ute kiang giahphual ah manlangin va puak inla,

Thu-hilhkikna 11:15

Amah in na ganhingte uh a dingin na gam sung uhah lopa hong posak ding a, note in zong an ne-in na gil uh vah ding hi.

Ruth 2:13

Tua ciangin Ruth in, “Ka topa aw, kei tungah nong dik mahmah hi; bang hang hiam cih leh kei pen na nasem numeite hi lo napi-in na nasemnu’ tungah migitna kam nong pau hi,” a ci hi.

Ruth 2:15

Tua nu ansang tawm dingin a din ciangin Boaz in a tangvalte hilh a, “Anlomte lak nangawnah tawmsak unla, amah ko sia kei un.