Ruth 1:17 - Tedim Bible

¹⁷ Na sihna-ah si-in ka kivui ding hi. Sihna cih lohbuang thudang hangin kong nusiat taak leh Topa in kei hong dawm kei ta hen,” a ci hi.

Tedim Bible Revision 2017

¹⁷ Na sihna ah si-in ka kivui ding hi. Sihna cih loh buang thudang hangin kong nusiat taak leh Topa in kei hong dawm kei tahen,” a ci hi.

Ruth 1:17 Referans Kwoze

1 SAMUEL MASA 3:17

Eli in, “Amah in nang kiangah hong gen bang ahi hiam? Kei kiangah hong im kei in. Amah in nang tungah hong gente khempeuh kei kiangah ip nong neih leh, Pasian in nang hong dawm kei ta hen,” a ci hi.

2 KUMPI NIHNATE 6:31

Tua ciangin amah in, “Tuni-in Shafat’ tapa Elisha’ lutang a kitankhiat kei taak leh Pasian in kei hong dawm kei ta hen,” a ci hi.

1 KUMPI MASATE 2:23

Tua ciangin Kumpi Solomon zong Topa tawh kiciamin, “Hih thu in Adonijah’ nuntakna a lei kei taak leh Pasian in kei hong dawm kei ta hen!

2 SAMUEL NIHNA 19:13

Tua ciangin Amasa kiangah, ‘Nang pen keima si keima sa hi lo na hi hiam? Tua kipan Joab’ munah nang pen ka galkapte a ukpa na hih kei taak leh Pasian in kei hong dawm kei ta hen, ci hi,’ ci-in gen un,” a ci hi.

1 KUMPI MASATE 20:10

Benhadad in ama kiangah mi sawlin, “Samaria leitang pen kei hong zui khempeuh’ khutkuak a dimzawh taak leh, pasian-te in kei hong dawm kei ta hen,” a ci hi.

1 SAMUEL MASA 25:22

Zing ciangin ama neihsa khempeuh lakah pasal khat zong ka siit taak leh Pasian in keimah David hong dawm kei ta hen,” na ci khin hi.

2 SAMUEL NIHNA 3:35

Tua ciangin ni a omlai-in an ne dingin David a zol dingin mi khempeuh hong pai uh a, ahih hangin David kiciamin, “Ni a tum matengin an ahi a, na khat peuhpeuh ahi zongin ka ciap taak leh Pasian in kei hong dawm kei ta hen!” a ci hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tubang hunin amaute na thah bangin nangmah ka hong thah kei taak le pasian-te in kei hong dawm kei ta hen,” cisak hi.

2 SAMUEL NIHNA 3:9

Saul’ innkuan panin kumpi gam khinin, Dan panin Beersheba dong Israel le Judah-te tungah David’ kumpi tokhom phuh ding Topa in ama tungah a ciamsa thu David a dingin ka tunsak kei taak leh Pasian in keimah Abner hong dawm kei ta hen,” a ci hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Ruth 1:16

Ahih hangin Ruth in, “Nang kong nusiat nading ahi a, nang zuihna panin ka ciahkik nading ahi zongin hong cici nawn kei in; bang hang hiam cih leh na paina-ah ka pai ding a, na giahna-ah ka giak ding hi. Na mite keima mite hi ding a, na Pasian keima Pasian hi ding hi.

Ruth 4:15

Amah pen nang a dingin na nuntakna a hong piakik, le na khanghamna-ah hong vak pa hi ding hi; bang hang hiam cih leh, tapa sagih sangin a thupizaw, nangmah hong it na monu’ neih tapa ahi hi,” a ci uh hi.

1 SAMUEL MASA 14:44

Tua ciangin Saul in, “Nang na sih taktak kei taak leh Pasian in kei hong dawm kei ta hen, Jonathan aw,” ci-in a kiciam hi.

1 SAMUEL MASA 20:13

Ahih hangin nang tungah siatna bawl nading in ka pa a lungkimsak leh, a muanhuaina-ah nang na pai theih nadingin nang kiangah a thu kong pulak kei a, nang kong sawlkhiat kei taak leh Topa in keimah Jonathan hong dawm kei tahen. Topa in ka pa a ompih mah bangin nang zong hong ompih tahen.

2 SAMUEL NIHNA 15:21

Ahih hangin Ittai in kumpipa dawngin, “Topa nungta-in, ka to kumpipa zong nungta ahih mah bangin, sih nading ahi a, hin nading ahi zongin ka to kumpipa a omna peuhpeuhah na nasempa om ding hi,” a ci hi.

1 KUMPI MASATE 13:31

Amah a vui khit ciangin a tapate kiangah, “Kei ka sih ciangin Pasian’ mipa a kivuina hanah kei hong vui un. Ama guh gei-ah kei’ guhte koih un.

Late 45:10

Tanu aw, ngai dih in; ngaihsun inla, na bil hong ngat in. Na mite le na behte mangngilh in.