Ruth 1:14 - Tedim Bible

¹⁴ Tua ciangin amaute a kap kik uh hi. Orpah in a teeknu namin ciah a, ahih hangin Ruth in a teeknu beel hi.

Tedim Bible Revision 2017

¹⁴ Tua ciangin amaute a kapkik uh hi. Orpah in a teeknu namin ciah a, ahih hangin Ruth in a teeknu beel hi.

Ruth 1:14 Referans Kwoze

Paunak 18:24

Lawm pawlkhatte sauvei kimang lo a, lawm pawlkhatte sanggam sangin kipzaw hi.

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mattiu 10:37

“Kei sangin a nu a pa a itzawte kei tawh kilawm lo a, kei sangin a tapa a tanu a itzawte kei tawh kilawm lo hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Mattiu 19:22

Tangvalpa in hih thu a zak ciangin, amah hau mahmah ahih manin, mai khingin a paikhia hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Isaiah 14:1

Topa in Jakob hehpihin Israel teelkik ding a, amaute pen a gam uhah koihkik ding hi. Khual mite in amaute pawlin Jakob innkuan bel ding uh hi.

Paunak 17:17

Lawm citak in a tawntungin hong it a, i sanggamte pen i lungkhamna a hong thuakpih dingin a piang ahi hi.

1 KUMPI MASATE 19:20

Tua ciangin amah in a bawngtalte nusia-in Elijah’ nungah tai a, “Ka nu le ka pa kam vaikhakin hong namsak phot in; tua ciangin nang kong zui ding hi,” a ci hi. Amah in Elisha kiangah, “Paikik in; nang hong khaktan ka hi hiam?” a ci hi.

Thu-hilhkikna 10:20

Topa note’ Pasian na zahtak ding uh a, ama na semin, amah beelin, ama min tawh na kiciam ding uh hi.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.

Sawltak 17:34

Mi pawlkhat in thu umin Paul pawlpih uh a, tuate lakah Areopagas mualbo a thu vaihawm pawl sungah a kihel Dionisias, le Damaris a kici numei khat, le mi pawlkhat ahi uh hi.

Piancilna 31:55

Zingsang tungin Laban tho-in, a tute le a tanute namin amaute thupha a piak khit ciangin paikhia-in a inn-ah a ciahkik hi.

Piancilna 31:28

Bang hangin ka tapate le ka tanute mangpha khakna hong namsak lo na hi hiam? Tu-in na hai gamtat khin hi.

Thu-hilhkikna 4:4

ahih hangin Topa na Pasian uh a lenkipte khempeuh tuni-in na hinglai uh hi.

Ruth 1:13

amaute a khan khit dong ngakzo ding na hi uh hiam? Hilo hi, ka tanute aw, Topa in kei hong bawlsia ahih manin note sangin nakpitakin kei ka lunggimzaw hi,” a ci hi.

Ruth 1:15

Tua ciangin amah in, “En in, na sanggamnu a mipihte le a pasian-te kiangah ciahkik khin hi. Na sanggamnu’ nungah nang zong ciah in,” a ci hi.

2 SAMUEL NIHNA 19:39

Tua ciangin mi khempeuh Jordan galah pai uh a, kumpipa zong a pai hi. Tua ciangin kumpipa in Barzillai namin thupha pia a, ama inn-ah amah a ciah hi.

Ruth 1:7

Tua ahih ciangin ama omna mun panin a mo tegel tawh tua nu ding khia a, Judah gamah a ciahkik dingin pai uh hi.

Ruth 2:11

Ahih hangin Boaz in tua nu dawngin, “Na pasal a sih khit a kipan na teeknu a dingin na sepnate khempeuh, le na nu le na pa le na pianna gam nusia-in cikmahin na theih ngei loh mite kiangah na paina thu a kicing takin kei kiangah hong kigenzo hi.