28 amah in vantungah meiite kipsakin tuipi tuinakte a bawl laitak,
“Tuipi sungtawng tuinakah pai ngei na hi hiam? Tuipi nuai lei tam tungah lam pai ngei na hi hiam?
Topa in pilna tawh leitung bawl a, a theihtelna tawh vantung a bawl hi.
Amah in vantung bawlin tuipi kimkotah vanpi mong ding a bawl laitak,
tuipi tuite in ama cihna ban a khengin a luan loh nading thu a piak laitak ka om a, leitung bulpi a phuh laitak kei ka om hi.
Pasian in van kuumpi bawl a, van kuumpi tunga om tuite le van kuumpi nuai-a om tuite a khen hi. Tua mah bangin a piang pah hi.
Pasian in, “Vantungte nuai-a om tuite mun khatah kikhawm hen la, lei keu kidawk hen,” ci hi. Tua mah bangin a piang pah hi.
Noah’ nuntak kum zaguk kum, a kha nihna, tua kha ni sawm le sagih ni-in vana om a thuk mahmah tuikhukte puakkhamin, vantung tawlette kihong hi.
Tui thukte le vantung tawlette kikhak a, vantung pana guahte kikhawlsak hi.
Amah in meiilom lakah tuite khol a, tua a gik mahmah tui meii a puazosak hi.
Na thuhilhna hangin tua tuite taikhia uh a, na thupiakna awging a zak uh ciangin kikhawhkhia uh hi.
Amah in van le lei, tuipi le tuate sungah a om khempeuh bawl a, a tawntungin thuman hi.
Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.