Paunak 8:24 - Tedim Bible

²⁴ Tuipite a om ma-in kei ka suakkhin a, kei’ suah hunin lui tuite om nai lo hi.

Tedim Bible Revision 2017

²⁴ Tuipite a om ma-in kei ka suak khin a, keiʼ suah hunin lui tuite om nai lo hi.

Paunak 8:24 Referans Kwoze

Paunak 3:20

Ama pilna in guntuite luangsak a, meiite in leitungah guah zusak hi.

Piancilna 1:2

Leitung in limlemel nei loin a awngthawlpi ahi hi. Tuipi tung tengah khua mial bikbek a, tua tui tungah Pasian’ Kha in na a sem hi.

1 JOHAN MASA 4:9

Pasian in eite hong itna hong bangci lah hiam cih leh: Ama hangin eite in nuntakna i ngahtheih nadingin a Tapa neihsun Pasian in leitungah a hong paisak hi.

Hebru 1:5

Bang hang hiam cih leh Pasian in vantungmi khat peuhpeuh tungah, “Ka Tapa na hi hi. Tu ni-in na Pa ka suak hi,” ci ngei lo hi. Tua mah bangin, “Kei, ama Pa ka hi ding a, amah, ka Tapa ahi ding hi,” ci-in zong kam pau ngei lo hi.

Johan 5:20

Pa in a Tapa itin, ama septeng mah lak a, mailam hunah zong hih sangin a lianzaw a sep ding lak lai ding ahih manin lamdang na sa mahmah ding uh hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Late 2:7

Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

Paikhiatna 15:5

Tui in amaute tuum a, suangtum bangin a thukna sungah amaute kia suk uh hi.

JOB (Job) 38:16

“Tuipi sungtawng tuinakah pai ngei na hi hiam? Tuipi nuai lei tam tungah lam pai ngei na hi hiam?