Paunak 8:15 - Tedim Bible

¹⁵ Kumpite in a gammite a ukna ding, mi ukte in ngeina man a zat theih nadingin keimah in ka huh hi.

Tedim Bible Revision 2017

¹⁵ Kumpite in a gam mite a uk nading, mi ukte in ngeina man a zat theih nadingin keimah in ka huh hi.

Paunak 8:15 Referans Kwoze

ROM (Romans) 13:1

A kuamah peuh in hong ukte’ thu na mang ciat un. Bang hang hiam cih leh Pasian’ thukimpih lohin kuamah in ukna thu nei lo hi; ukna thu nei i cih mite pen Pasian’ koih mite ahi hi.

Daniel 2:21

Amah in hun le khuahunte kheel a, kumpite koihin lah a lakhia hi. Amah in mite tungah pilna le theihna a pia hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

Daniel 4:32

Mite lak pan hong kihawlkhia ding a, gamsate tawh na tengkhawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingte’ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Jeremiah 33:15

Tua hun ciangin David’ suan lak panin kumpi dingin a diktat mi khat ka khangsak ding a, amah in gam sungah thuman tawh thu hong khen ding hi.

Isaiah 1:26

A masa-a bangin na thukhente, a kipat cil-a bangin na upate ka koihkik ding hi. Tua khit ciangin nang pen thuman khuapi, thutak khuapi, hong kici ding hi,” a ci hi.

Late 99:4

Thutang a deih, Vanglian Kumpipa aw, nangmah in thuman na phut khin a, Israel-te sungah thutang le thuman na semkhia hi.

1 KHANG TANGTHU MASATE 28:5

Tua ciangin ka tapate khempeuh lak panin (bang hang hiam cih leh Topa in kei tungah tapa tampi hong pia hi) Israel-te a ukin Topa’ kumpi tokhom tungah a tu dingin amah in ka tapa Solomon teel khin hi.

1 KUMPI MASATE 10:9

Nang tungah lungdamin Israel kumpi tokhom tungah nang a hong koih Topa na Pasian in thupha ngah ta hen! Topa in Israel it tawntung ahih manin nangmah in thutang le thuman na sepkhiat theih nadingin amah in kumpi-in nang hong bawl hi,” a ci hi.

1 KUMPI MASATE 5:7

Hiram in Solomon’ kam a zak ciangin nakpitakin lungdam a, “Hih a lian a tam mite a uk dingin David’ tungah a pil tapa a pia Topa in tuni-in thupha ngah ta hen,” a ci hi.

1 KUMPI MASATE 3:28

Tua ciangin Israel mi khempeuh in kumpipa’ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in a om uh hi.

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasempa hong pia in. Bang hang hiam cih leh hih a lian a tam na mite kua in ukzo ding ahi hiam?” a ci hi.

1 SAMUEL MASA 16:1

Topa in Samuel kiangah, “Israel-te tungah kumpi hihna panin amah ka nolhkhitna mu napi-in Saul’ hangin bang tanvei dah ding na hi hiam? Na sathau biingah sathau thun inla, pai in; Bethlehem mi Jessi kiangah kong sawl ding hi. Bang hang hiam cih leh ama tapate lak panin keima-a’ ding kumpi khat ka la khin hi,” a ci hi.

1 SAMUEL MASA 9:17

Samuel in Saul a muh ciangin Topa in ama kiangah, “Nang kiangah kong gen mipa hih lai-ah hong paita hi. Amah pen ka mite’ tungah a uk ding pa ahi hi,” ci-in a gen hi.

2 KHANG TANGTHU NIHNATE 1:10

Hih mite ka uk theih nadingin tu-in pilna le theihna hong pia in; bang hang hiam cih leh hih zahin a tam hih na mite kua in ukzo ding ahi hiam?” a ci hi.

Late 2:10

Tua ahih ciangin kumpite aw, tu-in pil ta un; leitung gam a ukte aw, tu-in thu phawk ta un.

Paunak 8:16

Leitung a om mi ukte khempeuh in keima huhna bek tawh ukzo uh a, milian mi thupite in keima huhna bek tawh vaihawmzo uh hi.

Paunak 29:4

Thumanin a gamta kumpi in a gam kipsak a, sum bek a ngaihsun kumpi in a gam siasak hi.

2 KHANG TANGTHU NIHNATE 1:11

Pasian in Solomon dawngin, “Hih thu na lungsim sungah om a, nangmah in neihsate, hauhna, pahtawina, ahih kei leh nang hong mudahte’ nuntakna hong ngen loin, a tungah kumpi-in nang kong koihna ka mite na uk theih nadingin nang a’ ding pilna le theihna hong ngen na hih manin,