Paunak 7:13 - Tedim Bible

¹³ Tua numei in tangvalpa thakhatin kawi-in tawp a, na maitai bawl mahmahin ama kiangah,

Tedim Bible Revision 2017

¹³ Tua numei in tangvalpa thakhatin kawi-in tawp a, na maitai bawl mahmah in ama kiangah,

Paunak 7:13 Referans Kwoze

Piancilna 39:12

tua nu in a puan-in amah man a, “Kei tawh hong lumkhawm hoh in,” a ci hi. Ahih hangin amah in tua nu’ khut sungah a puan nusia-in tai-in tua inn panin a paikhia hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei-pasal paktatna gamta-in milim biakna ante a ne uh hi.

Ezekiel 16:33

Numei paktatte sum tawh kiguai a, ahi zongin nang in na lunggulhte tungah letsong pia zawsopin, nang a hong luppih dingin mun khempeuh panin mi na guaizaw hi.

Ezekiel 2:6

“Ahi zongin mihing ahi Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding uh a, momai lak a om na bang ding hi. Tua bang hitaseleh, hih a lehdo thei mite’ maipuak zia le amaute’ kampaunate hangin lau tuan kei in.

Ezekiel 2:4

Amaute a lungsim uh khauhin paupeeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Isaiah 50:7

Topa Pasian in kei hong huh hi. Tua ahih ciangin cih nading thei loin ka om kei hi. Tua ahih manin ka thuak tentan a, hong maizumsak lo ding hi, ci-in ka thei hi.

Paunak 21:29

Migilote pen muantheih dingin khauh pau uh a, midikte ahihleh lungmuang takin kampau hiathiat uh hi.

Gamlak-vakna 31:16

En un, hih mite in Balaam’ lamlahna tawh Peor-ah Topa’ tungah Israel mite zuautatsak hi. Tua ahih manin Topa’ mihonte lakah gimna hong tung hi.

Gamlak-vakna 25:1

Shittim-ah Israel mite a om laitakin Moab gam numeite tawh paktat ding kipan uh hi.

Piancilna 39:7

Tawlkhat khit ciangin a topa’ zi in Josef zawl mit a, “Kei tawh hong lumkhawm in,” a ci hi.

Late 59:3

Bang hang hiam cih leh amaute in kei hong pangsim uh a, a kihtakhuai mite keimah hong langpangin kikaikhawm uh hi. Topa aw, keima thupalsatna hang hi lo,

Paunak 9:15

ama kiang a nawkkha, amau’ nasep bek a phawk kimlai mite kiangah,