Paunak 6:14 - Tedim Bible

¹⁴ A lungsimah thusia bekbek ngaihsun niloh a, a omna peuhah buaina a piangsak hi.

Tedim Bible Revision 2017

¹⁴ A lungsimah thusia bekbek ngaihsun niloh a, a omna peuh ah buaina a piangsak hi.

Paunak 6:14 Referans Kwoze

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hihtheih ding hun a ngah phetun, a ngaihsutsa uh gitlohna a semkhia uh hi.

ROM (Romans) 16:17

Lawmte aw, note’ theihsa thute gensia langpangin, mite’ upna nawngkaisakin pawl a kikhensak mite kidawm un. Tua bang mite tawh kikhawl vet kei un.

Hosea 8:7

Paunak-ah, Huih a tuhte in huih ngahkik ding a, a vui om lo an kung in annek ding piangsak lo hi, kici hi. A vui om lo an kung panin an kingah mah taleh zong gamdang mite in netum ding hi.

Ezekiel 11:2

Pasian in kei kiangah, “Mihing ahi Ezekiel aw, hih mite pen khuapi sungah thu hoih lo a gen migilote ahi uh hi.

Isaiah 57:20

Ahih hangin migilote pen a kilok tui tawh kibang uh hi. Bang hang hiam cih leh tuipi khawlcip thei lo a, a tuite in buan le ninte laamto uh hi.

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

Paunak 22:8

Thuman lo khaici a vawhte in lungkhamna tuak uh a, amau’ hehna ciangduai amau’ tung mah tukik ding hi.

Paunak 21:8

Mimawhte thukawi-in gamta uh a, midikte a manin gamta uh hi.

Paunak 3:29

Nangmah hong muangin nangma nai-ah a hong teng na vengpa, gim a ngahna ding bangmah vaihawm kei in.

Paunak 2:14

a sia-in gamtat ding nuam a sa, a sia-a gamtatna-ah a lungkim mahmah,

Late 36:4

A lupna tungah lumin siat gamtat ding a ngaihsun hi. Hoih lohna lamah amah kibulhtawm a, amah in siatna nolh lo hi.

Late 140:2

Amaute in a lung sung uhah thusia geelgeel uh a, gal phuang ngitnget uh hi.

Paunak 16:27

Migilote in siatna ding bek zongzong uh a, a kampaunate uh na a kangtumthei meikuang tawh kibang hi.

Paunak 17:20

Lungsim hoih lote in lungdam mu lo uh a, mi a khem theite in lungkhamna tuak uh hi.

Paunak 24:8

Thusia lamsang a deih mite thusia bawl mi kici hi.

Late 140:3

A leii uh gulpi leii bang a, a thugente uh gulgu bang hi.

Paunak 3:32

Bang hang hiam cih leh Topa in a sia-in a gamtate mudah a, thuman mite bek a pawlpih dingin a la hi.

Paunak 14:22

Na a hoih a semte mite in muangin zahtak a, a sia gamtatna pen khialhna lianpi ahi hi.