Paunak 5:22 - Tedim Bible

²² Migilo pa’ mawhna thangzak bang hi a, ama mawhna thang sung mahah amah a awk hi.

Tedim Bible Revision 2017

²² Migilo paʼ mawhna thangzak bang hi a, ama mawhna thang sung mahah amah a awk hi.

Paunak 5:22 Referans Kwoze

Paunak 11:5

Thumanna in midikte’ nuntakna a nuamzaw-in piangsak a, migilote in amau’ gitlohna mah puklawh uh hi.

Paunak 1:18

Ahi zongin mite in amau’ awkna ding mah thang siah uh a, kuamah dang awk loin, amau mah hai awk uh hi.

Late 9:15

Amau’ bawlsa gum sung mahah minamte kiasuk uh a, a ngenthang siahna uhah amau’ khe mah a awk hi.

Hebru 13:4

Mi khempeuh in nupa thu thupi ngaihsut uh hen la, zite pen pasalte tungah citakin, pasalte zong a zite uh tungah citak uh hen. Pasian in a thangtat mite le nulepa mawhna a gamta mite tungah thu khen ding hi.

Jeremiah 2:19

Na gitlohna mah in nangmah hong thuhilh ding a, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam hetloin kha velval hi, cih thu thei inla mu in, Vanglian Topa Pasian in ka hong ci hi.

Thuhilh-sia 7:26

Sihna sangin numei a siahuai zawkna ka theikhia hi. Ama hong piak itna in thang bangin hong tepcip a, ama hong kawina khut in sikkhau bangin hong hencip hi. Pasian’ deihna bangin a gamtate in tua bang numei pelhthei a, ahi zongin a mawh nuamte a thangah a awk uh hi.

Paunak 11:3

Midikte thumanin gamta uh a, migilote amau’ hoih lohna in susia hi.

Gamlak-vakna 32:23

Ahih hangin note tua bangin na gamtat kei uhleh, en un, Topa’ tungah a khial khin na hi uh hi. Na khialhna un note hong sulzuih ding theitel un.

Thukhente 20:41

Tua ciangin Israel mite hong kilehhei uh a, Benjamin mite lungkia uh hi; bang hang hiam cih leh amau’ siat nading a naina thei uh hi.

Late 40:12

Bang hang hiam cih leh a malin simzawh loh ding siatna tampite in kei hong umcih a, khua a hong musak thei lo zah dong dingin ka mawhna thaman ka thuak khinta hi. Amaute ka sam mal sangin tamzaw uh a, ka lung in a lel ta hi.

Kah la 1:14

Amah in ka mawhna khempeuh a vekpi-in ciamteh a, tuate henin lomkhat suahin ka ngawngzangah hong khih a, gik lua mahmah ahih manin ka taangzo peuhmah kei hi. Topa in ka galte’ khut sungah hong pia ahih manin a cimawh ta ka hi hi.

Thukhente 9:57

Pasian in Shekhem mite khempeuh’ gitlohna hangin Jerubbaal’ tapa Jotham’ samsiatna bangin amau’ tungah gimna a tungsak hi.

1 KUMPI MASATE 18:18

Amah in dawngin, “Keimah in Israel mite ka lungkhamsak kei hi. Nang in Topa’ thupiaknate nusia-in Baal-te zui na hih manin nang le na pa’ innkuan in na lungkhamsak uh hi.

Esther 9:25

Ahih hangin kumpipa in hih thu a theih ciangin, Jew mite sukna dingin Haman in a geelsa thu hoih lo pen Haman’ lu tung mah a lehtukna ding, le amah le a tapate khuam tungah a kikhaina ding lai-in gelhin thu a pia hi.

JOB (Job) 18:8

Thangsiahna ngen sungah amah bungbu tuk a, gum sungah amah kia hi.

Late 9:17

Pasian a mangngilh minam khempeuh sung panin migilote, Leinuai-ah pai ding uh hi.

Paunak 11:6

Thumanna in midikte honkhia a, thuman lo mite in amau’ huaihamna mah awkpih uh hi.

Paunak 12:14

Mite in kam hoih pauna hangin thaman ngah uh a, a sepna bangun zong thaman ngah uh hi.

Paunak 14:32

Migilo pa ama tatsiatna in puksak a, mihoih pa ama hoihtatna in hu hi.

Paunak 18:7

Mihaite a pau ciangin amau’ siatna ding mah a pau hi a, amau’ kampau mah awkpih uh hi.

Paunak 24:12

Ke’n theikha kei ing, na cihnop hangin lungsim a thei Pasian in theitel veve hi; nang hong encik Pasian in hong teltheihna phawk in. Mi khempeuh a gamtatna bangin a thukkik ding hi.

Paunak 26:27

Mi siahna-in gum a tote amau’ gum tawhna sung mahah lehkiat zawsop uh a, mi a dengkha dingin suang a khukte amau’ suang khuk mah in amau mah lehden kha zaw hi.

Obadiah 1:15

Bang hang hiam cih leh minam kimte tungah ka thukhenna ding ni a naizo hi. Nang bawl bangin nangma tungah hong kibawl ding hi. Na hih bangin na lu bukah hong tukik ding hi.