Paunak 5:20 - Tedim Bible

²⁰ Ka ta aw, bang hangin numei dang lunggulh ding a, numei dangte’ ngaihbaanna iplah ding na hi hiam?

Tedim Bible Revision 2017

²⁰ Ka ta aw, bang hangin numei dang lunggulh dinga, numei dangteʼ ngaihbaanna iplah ding na hi hiam?

Paunak 5:20 Referans Kwoze

Paunak 7:5

Tua hileh midangte’ zi tungah na khialhkhak loh nading, kam khum tawh a hong zol numei ginalote tawh na khialhkhak loh nadingin hong hu ding hi.

Paunak 6:24

mi’ zi tawh na mawh loh nadingin nang hong kemin, kam khum zangin a hong zol numei ginalote kiang panin nang hong hu ding hi.

Paunak 23:33

Na mitah na lamdangdang hong suak ding a, hoihtakin na pau thei nawn kei ding hi.

Paunak 22:14

Numei tungah mawhna pen thangzak bang hi a, tua thangah a awkte tungah Topa a heh hi.

1 KUMPI MASATE 11:1

Tu-in Kumpi Solomon in gamdang numei tampi ngai hi. Faro’ tanu, le Moab mi, Ammon mi, Edom mi, Sidon mi, le Hit numeite,

Paunak 5:3

Numei paktatte’ kampau khuaizu bangin khum mahmahin a thugente uh a neel dakdak hangin,

Malakhi 2:14

Bang hangin hong sang lo hiam, na ci uh hi. Na khangnolai uha na tenpih na zite uh tungah na cihtak lohna uh amah in hong thei a, na zite uh tungah na cihtak tawntungna ding uh Pasian tungah thu ciamin, na zite uh zong na lawmnu mah uh hinapi-in amaute tawh na thuciamna uh na pelhna hang uh ahi hi.

Malakhi 2:16

Vanglian Topa in hih bangin ci hi: “Zi makna ka deih kei a, mi khatpeuh in a khangno lai-a a tenpih a zi tungah tua bang gitlohna a gamtatna ka mudah hi. Tua ahih ciangin hoihtakin kidawm unla, a citak dingin na zite uh tungah na thuciamna uh palsat kei un,” ci hi, a ci hi.