Paunak 4:7 - Tedim Bible

⁷ Pilna na ngahna ding a thupi masa pen hi a, na neih khempeuh na beilawh zongin na zon ding ahi hi.

Tedim Bible Revision 2017

⁷ Pilna na ngah nading a thupi masa pen hi a, na neih khempeuh na beilawh zongin na zon ding ahi hi.

Paunak 4:7 Referans Kwoze

Thuhilh-sia 7:12

Sum in hong lungmuansak bangin pilna in zong hong lungmuangsak hi. Pilna a manphatna, a pilte a nuntaksak theihna ahi hi.

Paunak 23:23

Thuman, pilna, siamna, thungaihsut theihna lei in; zuakkhiat dingin tuate pammaih lua hi.

Paunak 16:16

Kham sangin pilna hoihzaw a, ngun sangin thutheihna deihhuai zaw hi.

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

Luka 12:20

Ahi zongin Pasian in ama kiangah, ‘Mihai pa aw, tuzan mahmahin na si ding hi. Hih na neihsa teng kua’n zang nawn ding ahi hiam?’ ci hi,” a ci hi.

Late 119:104

Na thuhilhnate hangin thu theihtelna ka ngah hi. Tua ahih ciangin a man lo lampi khempeuh ka mudah hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Paunak 21:6

Zuaugenna tawh hauhnate beimang pak a, sihna khuk sung hong tunpih hi.

Thuhilh-sia 4:8

Mi khat in tapa ahi a, sanggam ahi zongin nei lo napi-in, a tawntungin na semin a neihsa tawh lungkim hun nei thei lo hi. Kua a dingin gimpi-in na sem a, a ututin ta hoh lo ahi hiam? Hih zong a mawknapi mah, a dahhuai nuntakna khat ahi hi.

Paunak 4:5

Pilna le thu ngaihsut theihna na neihna ding hahkat in. Kong gen thute mangngilh kei inla, hoihtakin ngaihsun in.

Paunak 8:23

Tangtawng pek lai-in kei hong bawl a, leitung a om ma-in hong bawl masak pen ka hi hi.

2 KHANG TANGTHU NIHNATE 1:10

Hih mite ka uk theih nadingin tu-in pilna le theihna hong pia in; bang hang hiam cih leh hih zahin a tam hih na mite kua in ukzo ding ahi hiam?” a ci hi.

Paunak 2:4

Ngun, ahih kei leh a kiseel sum manpha zon bangin, hahkatin pilna zong in.