Paunak 4:13 - Tedim Bible

¹³ Hong kihilhnate lencip inla, khahsuah kei in. Na nuntakna ding ahih manin limtakin zui in.

Tedim Bible Revision 2017

¹³ Hong kihilhnate lencip inla, khahsuah kei in. Na nuntak nading ahih manin limtakin zui in.

Paunak 4:13 Referans Kwoze

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

Paunak 3:18

Pilna a nei mite a lungdam mi hi a, pilna a nei mite nuntakna singkung tawh kibang uh hi.

Paunak 23:23

Thuman, pilna, siamna, thungaihsut theihna lei in; zuakkhiat dingin tuate pammaih lua hi.

Thu-hilhkikna 32:47

Bang hang hiam cih leh hih pen note a dingin a thuneu hi loin note’ nuntakna hi a, a luah dingin Jordan galkhat na paina uh gam sungah hih thu tawh sauveipi na hing ding uh hi,” a ci hi.

1 THESALONIKA MASA 5:21

Thu khempeuh entel pha unla, a hoihte kemin,

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an nekhawmin, thu zong a ngenkhawm uh hi.

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satan’ omna munah a kithah hun laitak nangawnin kei na hong upna uh na khahsuah kei uh hi.

Solomon la 3:4

Khuasung cingte tawh ka kikhen khit phetin ka ngaihno tawh ka kimu hi. Amah kawi-in ka lencip a, ka pianna ka nu’ inndei sung, ka nu’ inn dong ka tunpih mateng ka khah kei hi.

Thuhilh-sia 7:12

Sum in hong lungmuansak bangin pilna in zong hong lungmuangsak hi. Pilna a manphatna, a pilte a nuntaksak theihna ahi hi.

Paunak 3:22

Tuate pen nang a dingin nuntakna hi ding a, na hoih nadingin kizepna hi ding hi.

Piancilna 32:26

Tua ciangin amah in, “Khua vak ta ahih ciangin hong khah in,” a ci hi. Ahih hangin Jakob in, “Kei, thupha nong piak kei leh kong khah kei ding hi,” a ci hi.

Johan 6:63

Nuntakna a piathei pen Pasian’ Kha hi a, mihingte’ hihtheih bangmah om lo hi. Keima hong gen thute pen nuntakna a hong piathei tua Kha thu ahi hi.

Paunak 6:23

Bang hang hiam cih leh thukham le a hilhnate pen a taang mahmah khuavak bang hi a, khalna le hilhnate pen nuntakna ding lampi hi a,

Paunak 8:35

Kei hong mu mi in nuntakna a mu hi a, Topa’ mai-ah maipha ngah ahi hi.

Paunak 10:17

Kihilhna manna nuntak lampi zuihna hi a, hilhna man’ nop lohna lampi lauhuai zuihna ahi hi.