Paunak 4:12 - Tedim Bible

¹² Hoihtakin gamta lecin nang hong nawngkaisakzo ding bangmah om lo ding a, na tai hangin zong na pukkha kei ding hi.

Tedim Bible Revision 2017

¹² Hoihtakin gamta lecin nang hong nawngkaisak zo ding bangmah om lo dinga, na tai hangin zong na puk kha kei ding hi.

Paunak 4:12 Referans Kwoze

Paunak 3:23

Tua hileh lungmuang takin na nungta ding a, pukna ding thu bangmah om lo ding hi.

Late 18:36

Ka kalsuanna ding mun tanzau nong pia a, ka khe taal lo hi.

1 PETER MASA 2:8

a cihna leh, “Hih suang pen mite’ hoina suak ding a, hih suangpi pen a pukna uh suak ding hi,” a cihna bang hi ding hi. Amaute in lungdamna thu um lo uh ahih manin a puk uh ahi hi. Pasian in a tuaci ding mahin a deih ahi hi.

2 SAMUEL NIHNA 22:37

Ka kalsuan nading mun tanzau keima nuai-ah nong pia a, ka khe taal lo hi.

Paunak 4:19

Migilote’ lampi ahihleh zan khuamial bangin mial a, amaute a tuksak, a suihkhakte nangawn mu thei lo uh hi.

Jeremiah 31:9

Amaute a kap kawmin hong pai ding uh a, keimah in hehnemin amaute ka pi kik ding hi. Tui omna lui gei-ah amaute ka paipihkik ding a, lam nuamah paipihin a tuk kei ding uh hi. Bang hang hiam cih leh Israel mite’ pa ka hi a, Efraim, ka ta upa pen ahi hi.

Paunak 6:22

Tua thute in na paina peuhah lam hong lak ding a, zanin na ihmut kalin nang hong cing ding a, sunin na hah sungin na gamtatna ding hong hilh ding hi.

Late 119:165

Nangma thu a deihte in lungnopna lianpi ngah uh a, amaute a tuksakzo ding bangmah om lo hi.

Late 119:45

Nangma thuhilhnate zuih ding hanciam ka hih manin nuamtakin ka nungta ding hi.

Paunak 2:9

Tua hileh thuman le thutang a hoih le a kilawm na thei ding hi.