Paunak 31:9 - Tedim Bible

⁹ Amau a’ ding thu genin thu a tangin khen inla, a zawng a cimawh mite amau a dingin a kilawm hamphatna ngahsak in.

Tedim Bible Revision 2017

⁹ Amau ading thu genin thu a tangin khen inla, a zawng a cimawh mite amau adingin a kilawm hamphatna ngahsak in.

Paunak 31:9 Referans Kwoze

Isaiah 1:17

Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Siampi Laibu 19:15

“Note in thukhenna-ah thu a tang loin na khen kei ding uh hi. Mizawngte langgen loin, a liante’ thu zui loin, thumanna tawh na vengte uh thu na khen ding uh hi.

Thu-hilhkikna 1:16

“Tua hun laitakin na thukhente uh ka thuhilh a, ‘Na sanggamte uh thu neihte za unla, mi khat le a sanggampa ahi a, amah tawh a om khualmipa tawh ahi zongin thu a mantakin khen un.

Jeremiah 22:3

Topa in a cihin-ah, thumanin diktat unla, a bawlsiate’ khutsung panin bawlsiatna a thuak mite honkhia un. Minam dangte, pa nei lote le meigongte simmawhbawl kha loin amau’ tungah ngongtat kei unla, hih munah zong mawhna nei lo mite that kei un.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Jeremiah 5:28

Gitlohna lamah a hun bek a theithei kei uh hi. Tagah mite’ phattuamna ding khual loin thu a man lopi-in khen uh a, mizawngte’ tungah thuman lo uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnu’ thu amaute in sang lo uh hi.

Paunak 16:12

Thumanin gamtatna bek in kumpi kipsak ahih manin a sia-a gamtat ding kumpite ut lo uh hi.

JOB (Job) 29:12

Mizawng ka theih peuhmah ka huh tawntung a, cih nading thei lo tagahte zong ka huh hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Johan 7:24

A tungthama kimu nate siksanin thu khen kei unla, thu taktak siksanin thu khenzaw un,” a ci hi.

Zekhariah 7:9

“Note in thu a tangin khenin, khatlekhat tungah itna le hehpihna kilakin,

Paunak 20:8

Thukhenna tokhom tungah thu khenin a tu kumpipa in a mitin a etna tawh a hoih lote khenkhia thei hi.

2 SAMUEL NIHNA 8:15

Tua ahih ciangin David in Israel-te khempeuh uk a, a mite khempeuh tungah thutang le thuman a zang hi.

Hebru 1:9

Thuman na deih a, khialhna na mudah hi. Tua ahih manin nangma Pasian in nangmah hong teelin, na lawmte tungah a piak sangin a lianzaw, a lungdamhuai pahtawina nang hong pia hi,” a ci hi.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

1 SAMUEL MASA 19:4

Jonathan in a pa Saul kiangah David’ thu a hoihin genin ama kiangah, “Kumpipa, a nasempa David tungah khial kei in; bang hang hiam cih leh nang tungah amah hong khial lo a, ama nasepnate nang a dingin nasep hoih ahi hi.

1 SAMUEL MASA 20:32

Tua ciangin Jonathan in a pa Saul dawngin, “Bang hangin amah kithat ding ahi hiam? Amah in bang hih ahi hiam?” a ci hi.

Paunak 29:7

Midikte in mi cimawhte a’ ding thu khual uh a, migilote in tua bang thukhualna thei lo uh hi.

Late 82:3

A ginalo mite le pa a nei lo mite tungah thuman unla, a thuakte le a cimawhte’ thu a manin khen un.