Paunak 30:5 - Tedim Bible

⁵ “Pasian in a thugen khempeuh a manna laktel a, amah a belte a dingin kidalna lum ahi hi.

Tedim Bible Revision 2017

⁵ “Pasian in a thugen khempeuh a manna laktel a, amah a belte adingin kidalna lum ahi hi.

Paunak 30:5 Referans Kwoze

Late 18:30

Hih Pasian - a thu kicing a, Topa’ kamciamna a manna kilang hi. Amah a belte khempeuh a dingin kidalna lum ahi hi.

Jeim 3:17

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong piapa ahi hi. Thumanin a gamta mite tungah Topa in na hoih bangmah siit lo hi.

Late 12:6

Topa’ thuciamnate, a siangtho thuciamna hi a, meikhuk sungah sagihvei a kisiangsak ngun tawh kibang hi.

Late 3:3

Ahih hangin Topa aw, nang pen ka kidalna lum, ka minthanna le ka lu hong phong pa na hi hi.

Late 119:140

Na thuciamnate kician mahmah a, na nasempa in tuate deih mahmah hi.

Late 91:2

Topa’ tungah, “Ka bukna le ka munkip muanhuai, ka muan ka Pasian na hi hi,” ci ding uh hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, “Abram aw, lau kei in. Keimah in lauhuaina panin nang ka hong hu ding a, na thaman lian mahmah ding hi,” a ci hi.

ROM (Romans) 7:12

Tua ahih ciangin Thukham mahmah hitaleh thupiaknate hitaleh hoihin man a, siangtho hi.

Late 144:2

Amah pen ka suangpi le ka munkip muanhuai, ka kulhpi le hong honkhia pa, ka lum le ka belh pa, ka nuai-ah mite a zopa ahi hi.

Late 19:8

Topa’ thuhilhte man a, lungsim nuamsak hi. Topa’ thupiakna siang a, mitte vaksak hi.

2 SAMUEL NIHNA 22:31

“Hih Pasian a thu kicing a, Topa’ kamciamna a manna kilang hi. Amah a beelte khempeuh a dingin kidalna lum ahi hi.

Late 18:2

Topa pen keima suangpi, ka munkip muanhuai, kei a hong honkhia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Paunak 2:7

Pasian in thuman mite pilna guan a, midikte a hu hi.

Late 18:31

Topa longal, Pasian kua hiam? Pasian longal, suangpi kua hiam?

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.