Paunak 30:4 - Tedim Bible

⁴ Vantungah kua kahto a, leitungah kua hong kumsuk kik ahi hiam? Kua in a khut sungah huihte lomcip a, puan tawh tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh a tapa’ min bang ahi hiam?

Tedim Bible Revision 2017

⁴ Vantungah kua kah to a, leitungah kua hong kum sukkik ahi hiam? Kua in a khut sungah huihte lomcip a, puan tawh tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh a tapaʼ min bang ahi hiam?

Paunak 30:4 Referans Kwoze

Johan 3:13

Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

JOB (Job) 26:8

Amah in meiilom lakah tuite khol a, tua a gik mahmah tui meii a puazosak hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Thu-hilhkikna 30:12

Note in, ‘Eite in a thu za-in i sep theih nadingin kua in vantungah eite a dingin hong paisakin hong laksak ding ahi hiam?’ na cih theih nadingun vantung a om hi lo hi.

Mangmuhna 19:12

A mittangte meikuang tawh kibang a, lukhu tampi a khu hi. Amah simloh kuamah dang in a theih loh min khat ama tungah a kigelh hi.

ROM (Romans) 10:6

Ahi zongin upna hangin Pasian tawh kipawl theihna thu a kigenna-ah, “Vantungah kua va paito ding a,” ci kei unla, “Leinuai-ah kua va paisuk ding ahi hiam?” zong ci kei un, ci hi. Tua a cihna pen vantung panin Khrih a lasuk ding le sihna panin a thosak ding cihna ahi hi.

Thu-hilhkikna 28:58

“Hih a minthang, a zahtakhuai min, Topa na Pasian uh na kihtak theih nadingun hih laibu sunga kigelh hih thute limtakin zuih ding na ngaihsut kei uhleh,

Isaiah 53:8

Nenniamna le thukhenna tawh amah kipaikhiatpih hi. A hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mihonte le mi lehdote’ tung nangawn panin piakkhong nate na ngah hi.

Late 2:7

Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

Paikhiatna 6:3

Abraham, Isaac, le Jakob-te’ tungah Vanglian Pasian-in ka kilang a, ahih hangin Topa ahi keima min tawh amaute’ tungah kei ka kitheisak kei hi.

Thukhente 13:18

Topa’ vantungmi in ama kiangah, “Hih thu a lamdang hi, ci-in thei napi-in bang hangin ka min hong dong na hi hiam?” a ci hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Jeremiah 23:6

Ama hun hong tun ciangin Judah mite kihonkhia ding a, Israel mite lungmuang takin a teng ding uh hi. Amah a kilawh nadingin a min, ‘Topa, Eite’ Diktanna,’ ci-in a kiphuak ding hi.

Late 24:2

Bang hang hiam cih leh amah in tuipite sungah a bul phut a, tui tungah a kipsak hi.

Late 22:27

Leitung mi khempeuh in phawkin Topa’ lamah kihei ding uh a, minam khempeuh in ama mai-ah bia ding uh hi.

Piancilna 32:29

Tua ciangin Jakob in amah dongin, “Na min hong gen in, hong thum ing,” a ci hi. Ahih hangin amah in, “Bang hanga ka min hong dong na hi hiam?” a ci hi. Tua lai-ah amah in Jakob thupha a pia hi.

Paikhiatna 15:10

Nang in na huih tawh na mut a, tuipi in amaute tuum hi. A kihtakhuai tui sungah haknaw bangin amaute tum uh hi.

Late 135:7

Amah in leimong panin meiipi kaisakin, guahzuk nadingin khuaphialepte bawl a, a huihkua panin huih a pusuaksak hi.

Isaiah 45:18

Vantungte a piangsak pa (amah Pasian!) Leitung piangsakin a bawl pa (a kipsak pa; a awngthawl dingin bawl loin, ten nadingin leitung a piangsak pa!) Topa in hih bangin ci hi: “Kei pen Topa ka hi a, kuamah dang om lo hi.

JOB (Job) 11:7

“Pasian’ thuthuk thei khinzo ding na hi hiam? Vanglianpa’ hih theihna thei khinzo ding na hi hiam?

JOB (Job) 11:8

Vantung sangin Pasian sangzaw a, ahi zongin tua vantung nangawn na banzo kei hi. Pasian in leinuai thu thei a, ahi zongin nangmah in tua thu na thei kei hi.