Paunak 30:15 - Tedim Bible

¹⁵ Vot in tanu nih nei a, khat in, “Hong pia in,” ci a, a khat in zong, “Hong pia in,” mah ci veve hi. “Phazo ta,” a ci ngei lo nam thum om a, eh! li hi zaw:

Tedim Bible Revision 2017

¹⁵ Vot in tanu nih nei a, khat in, “Hong pia in,” ci a, a khat in zong, “Hong pia in,” mah ci veve hi. “Pha zo ta,” a ci ngei lo nam thum om a, eh! li hizaw:

Paunak 30:15 Referans Kwoze

Paunak 30:29

A gamtatna i et ciangin a thupi suak mahmah thum, eh! li om hi.

Paunak 30:21

Leitung mi khempeuh in a thuakzawh loh thu thum, eh! thu li om a,

Paunak 6:16

Topa in a muhdah, a khahkhong ngei loh ding, thu guk, tua zah bek hi lo, thu sagih tak om a, tuate pen

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.

ROM (Romans) 16:18

Tua bang mite in i Topa Khrih’ na a sem hi loin, gilpi vai bek a sem uh ahi hi. Amaute in mite phatin kamkhum nono zang uh ahih manin mihoih pawlkhat a khemzo uh hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Johan 8:39

Amaute in, “Kote’ pa Abraham ahi hi,” ci-in a dawn uh ciangin Jesuh in, “Abraham’ tate taktak hi le-uhcin Abraham’ gamtat bangin na gamta ding uh hi.

Mattiu 23:32

Tua ahih manin i pu i pate’ maban zomto vet un.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Amos 2:4

Topa in hih bangin ci hi: Judah mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak uh hi.

Amos 2:1

Topa in hih bangin ci hi: Moab mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh leiseek cianna-ah a kizang leikang a zat dingin Edom kumpipa’ guhte a hal uh hi.

Amos 1:13

Topa in hih bangin ci hi: Ammon mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in huaihamin gam a deihthuah manun Gilead gam simgawp uh hi.

Amos 1:11

Topa in hih bangin ci hi: Edom mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Paunak 30:24

A neu mahmah ganhing nam li leitungah om a, ahi zongin a pil penpente ahi hi.

Amos 1:9

Topa in hih bangin ci hi: Taia khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in minambup khat Edom mite tungah ap uh a, lawmta dinga a thuciamna uh zui lo uh hi.

Amos 1:6

Topa in hih bangin ci hi: Gaza khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in minambup khat sal dingin manin, Edom mite tungah ap uh hi.

Amos 1:3

Topa in hih bangin ci hi: Damaskas khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gammite gawigawp uh hi.

Hosea 4:18

Amaute, zukham honpi hi uh a, nulepa mawhna a bawlbawl uh hi. Minphat ding sangin minsiat ding utzaw uh hi.

Isaiah 57:3

No, aisan numeite’ tapate, numei tawh a mawh mite le numei pangtatte’ tuletate aw, hih lai-ah hong pai un.

Paunak 27:20

Mihingte’ lungsim pen misite’ gam tawh kibang a, tamlua cih hun nei thei lo hi.

Paunak 30:14

A ha uh namsau tawh a kibang gam sung mizawngte a netum, mi cimawhte a liaktum mi pawlkhat om hi.

Paunak 30:16

Han khuk, taciing numei, tui a deih tawntung lei keu, le a kisumit zo lo meikuang.