Paunak 3:6 - Tedim Bible

⁶ Na hihna khempeuhah amah phawk in. Tua hileh lampi man amah in hong lak ding hi.

Tedim Bible Revision 2017

⁶ Na hihna khempeuh ah amah phawk in. Tua hileh lampi man amah in hong lak ding hi.

Paunak 3:6 Referans Kwoze

Paunak 16:3

Na geelnate khempeuh Topa ap in; tua hileh na geelna bangin tangtung ding hi.

Late 32:8

Na pai nading lampi lakin ka hong hilh ding a, ka mit tawh hong enin thu kong hilh ding hi.

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Paunak 16:9

Mihing in thu geel a, ahi zongin Topa’ deihna bangin kisemkhia hi.

Jeremiah 10:23

Topa aw, mihing’ omdan ama uk theih ahih lohna ka theita a, ama kalsuanna ding ama geeltheih hi lo hi.

Jeim 1:5

Pilna kisam na om uhleh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Isaiah 30:21

Taklamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nunglam panun na bil un a za ding hi.

Isaiah 48:17

Israel-te’ Siangtho Pa, nangmah hong hon Topa in: Phattuamna na ngah nadingin nang a hong hilh, na zuih ding a kilawm lampi-ah a hong paipih Topa na Pasian ka hi hi.

Kolose 3:23

Mite’ nasem bangin kingaihsun loin, Pasian’ nasem bangin kingaihsun unla, na sep peuhpeuh uh lungsim takpi tawh lawpin sem un.

Kolose 3:17

Na kampauna, na gamtatnate khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding uh hi.

Paunak 23:17

Mawhnei mite engkha kei inla, Topa zahtakna zom paisuak in.

1 KORIN MASA 10:31

Tua ahih manin keimah in ka hong gennop thu in: Na hihna khempeuh uh, nekna dawnna-ah ahi zongin Pasian’ minthan nadingin na hih un.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

1 SAMUEL MASA 30:8

Tua ciangin David in Topa thu dong a, “Hih mihonte ka delh ding hiam?” a ci hi. Amah in dawngin, “Delh in; bang hang hiam cih leh na pha taktak ding a, na mite na honkhiazo taktak ding hi,” a ci hi.

Isaiah 45:13

Thu a manin a sem dingin amah khua ka phawksak a, keimah in ama lampi khempeuh ka mamsak ding hi. Amah in nasep thaman ahi a, letsong ahi zongin ngaihsun loin keima khuapi lam ding a, salin a om ka mite a khahkhia ding hi,” Vanglian Topa in ci hi.

Nehemiah 1:11

Keima hong thungetna le nangma min a zahtak nuam na nasemte’ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipa’ an a piapa ka hi hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Ezra 7:27

Tua ciangin Ezra in, “Jerusalem-a om Topa’ biakinn tua bangin a minthangsak thuah dingin kumpipa lungsimah suak a, kumpipa le a thu lamlakte le a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

2 KORIN NIHNA 8:16

Kote’ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

Gamlak-vakna 9:20

Biakbuk tungah ni tawmno sung bek meii om thei zel hi. Tua bang ciangin zong Topa’ thupiak bangin giahphual ah amaute tawmno sung mah omin, Topa’ thupiakna bangin amaute a ding khia uh hi.

Nehemiah 7:5

Tua ciangin uliante, thukhente, le mite a innkuan kuanun ciaptehna ding ka lungsim sungah Pasian in hong suaksak hi. Tua hi a, hong ciahkik masate’ khang ciaptehna laibu ka mu hi. Tua sungah a kigelh ka muhte:

Paunak 11:5

Thumanna in midikte’ nuntakna a nuamzaw-in piangsak a, migilote in amau’ gitlohna mah puklawh uh hi.

Jeremiah 42:3

Topa na Pasian in ka lam pai nading uh ahi a, ka na sepna ding uh ahi zongin a hong lah nadingin thu hong ngetsak in,” hong ci uh hi.

Isaiah 26:7

Midik pa’ lampi tamkim a, nangmah in midik pa’ lampi na neelsak hi.