Paunak 3:33 - Tedim Bible

³³ Topa in migilote’ innsung samsia a, thuman mite’ innsung thupha a pia hi.

Tedim Bible Revision 2017

³³ Topa in migiloteʼ inn sung samsia a, thuman miteʼ inn sung thupha a pia hi.

Paunak 3:33 Referans Kwoze

Late 37:22

Bang hang hiam cih leh Topa’ thupha piakte in leitung luah ding uh a, ahih hangin a samsiatte kipuaseh ding hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uhleh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsakzo hi.

Late 91:10

nangma tungah siatna hong tung lo ding a, na inn sungah gimna hong tung lo ding hi.

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi. Note in tua nate mudah mahmahin na kih ding uh hi. Bang hang hiam cih leh tua nate a kisamsia na ahi hi.

Paunak 21:12

Pasian in migilo pa’ inn sungah a kisem khempeuh mu tel a, migilote lawnthalin a siasak hi.

Late 1:3

Amah pen lui tuiluang gei-a a kisuan ama gah hunin gah a, a teh a vul ngei lo singkung tawh kibang hi. Ama hihna khempeuhah a maa pai mahmah hi.

2 SAMUEL NIHNA 6:11

Topa’ Thuciamna Singkuang Gath khua mi Obededom’ inn sungah kha thum sung om a, Topa in Obededom le a innkuan khempeuh thupha a pia hi.

Joshua 7:13

Tho in, mite siansuah inla, ‘Zing cianga dingin note kisiansuah tawm un. Bang hang hiam cih leh Israel Pasian Topa in, “Israel mite aw, note’ lakah a ki-ap nate om hi. Note’ lak panin a ki-ap nate na lakkhiat matengun na galte uh na nangzo kei ding uh hi,” ci hi.

Thu-hilhkikna 11:28

Topa na Pasian uh thupiaknate mang loin, na theih nai loh uh pasian dangte’ nungzui dingin tuni-a no kong thupiakna panin na kiheikhiat uh le hamsia ahi hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-te’ giahphual sungah siat nading na khat suaksakin haksatna na tun kha ding uh hi.

JOB (Job) 24:18

“Tua bang migilo peuhpeuh tuikhang in taai a, ama neih leitangte Pasian in samsia a, tua leenggui lote-ah nasemin kikuan nawn lo hi.

JOB (Job) 31:12

Ka neih khempeuh a kangtum thei mei husia tawh a kibang ahi hi.)

Paunak 10:6

Mihoihte in thupha ngah a, migilote in thusia bekbek gen hi.

Paunak 14:11

Migilote’ inn kisusia ding a, thuman mite’ inn kipin gina semsem ding hi.

Paunak 15:6

Thuman mite’ neihsa kip a, migilote’ hauhna in lungkham a guan hi.