Paunak 3:25 - Tedim Bible

²⁵ Migilote tungah huihpi bangin siatna a tun ciangin, nang na lunghihmawhna ding bangmah om lo ding hi.

Tedim Bible Revision 2017

²⁵ Migilote tungah huihpi bangin siatna a tun ciangin, nang na lunghihmawhna ding bangmah om lo ding hi.

Paunak 3:25 Referans Kwoze

Late 112:7

Amah in thusia zak ding lau lo hi. Topa muang a, ama lungsim a kip hi.

1 PETER MASA 3:14

A hoihin na gamtat manun gimna na thuak uhleh zong Pasian in thupha hong pia ding hi. Mite kihta kei unla, lunghihmawh ngaihsut kei un.

Late 91:5

Nangmah in zan a lauhuaina, sun-a thaltang leengte, khuamial lakah a vak khiankhian pulnatna, sun nitaang a suksiatnate na kihta kei ding hi.

Johan 14:1

Tua ciangin Jesuh in a nungzuite kiangah, “Note lunghimawh kei un. Pasian um unla, kei zong hong um un.

Marka 4:40

Tua ciangin Jesuh in a nungzuite kiangah, “Bang hangin lau na hi uh hiam? Tu ciang dong upna nei nai lo na hi uh hiam?” a ci hi.

Mattiu 24:6

A nai, a gamla-ah galkidona thu na za ding uh hi. Hihte a piang mah ding hi a, ahi zongin a bei nading hi nai lo ahih manin patau kei un.

Late 73:19

Tomno sungin amaute kisusia-in, lau mahmahna in amaute nilkhiamang ding hi.

Luka 21:9

Gal thu ahi a, gam kilumlet nading thu ahi zongin na zak uh ciangin lau kei un. Hih bang thute a hong piang masa ding mah hi a, ahi zongin bei nading hong naita hi, a cihnopna hi nai lo hi,” a ci hi.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Paunak 1:27

Lungkhamna in huihpi’ nawk bangin note hong nawkgawpin, pingpei’ pei bangin note hong peigawpin, lungkhamna le sinkhamna na tuah uh ciangin kong don kei ding hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla ding a, nang na lau kei ding hi. Kihtakna tawh na kigamla ding a, nangma nai-ah tuate hong pai lo ding hi.

Micah 4:4

A kuamah peuh lungnuamin a leenggui phung le a theikung nuai-ah tu hithiat ding a, kuamah in patausak nawn lo ding hi. Bang hang hiam cih leh Vanglian Topa mahmah in hih thu hong gen khinta hi.

Zekhariah 9:8

Tua ciangin ka gam sung ka hu ding a, galte ka nawksak nawn kei ding hi. Ka mihingte’ thuakna mu khin ka hih manin migilote, ka bawlsiasak nawn kei ding hi.