Paunak 29:16 - Tedim Bible

¹⁶ Migilote ulian suak leh siatna khang semsem a, ahi zongin midikte in amau’ mit mahmah tawh a gilo uliante’ zakiatna mu ding uh hi.

Tedim Bible Revision 2017

¹⁶ Migilote ulian suak leh siatna khang semsem a, ahi zongin midikte in amauʼ mit mahmah tawh a gilo ulianteʼ zakiatna mu ding uh hi.

Paunak 29:16 Referans Kwoze

Late 92:11

Ka galte’ pukna ka mit in mu khinta a, keimah a hong do a gilote’ siatna ka bil in za khinta hi.

Late 91:8

Na mit tawh na en bek ding a, migilote a kithukkikna na mu ding hi.

Late 58:10

Heh thukna a muh ciangin thuman mipa lungdam ding a, migilote’ sisan sungah amah in a khete sil ding hi.

Late 37:36

Ama kiangah ka paikik a, amah na om nawn lo hi. Amah ka zonzon hangin kimuzo nawn lo hi.

Late 37:34

Topa ngak inla, ama lampi zui in. Leitang a luah dingin nang hong liansak ding a, migilote’ siatna nangmah in na en ding hi.

Paunak 29:2

Midikte in gam a uk ciangin gammite lungdam uh a, migilote in a uk ciangin a gammite thum uh hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Mangmuhna 15:4

Topa aw, nang, kua in hong kihta lo ding a, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai-ah hong bia ding uh hi,” a ci uh hi.

Late 112:8

Amah lau loin, lunghimawh loin om hithiat a, amah a langpangte a guallelh ding a theitel hi.

Late 92:9

Topa aw, na galte si ta ding! Bang hang hiam cih leh na galte beimang ding a, siatna a bawl khempeuhte kithehthang ding uh hi.

Paunak 21:12

Pasian in migilo pa’ inn sungah a kisem khempeuh mu tel a, migilote lawnthalin a siasak hi.