Paunak 28:23 - Tedim Bible

²³ Mi khat tai-in thuhilh lecin tungthama phatna sangin a tawpna-ah lungdamzaw ding hi.

Tedim Bible Revision 2017

²³ Mi khat tai-in thuhilh lecin tungtham a phatna sangin a tawpna ah lungdam zaw ding hi.

Paunak 28:23 Referans Kwoze

Mattiu 18:15

“Na sanggamte uh na tung uhah hong khialh leh pai-in no tegel bek theihin a khialhna va gen un. Na thu uh a hong man’ leh na sanggampa uh a ngahkik na hi uh hi.

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amau’ gitloh gamtatnate nakpitakin langpangin thu ka ngenngen hi.

Galati 2:11

Antiok khua-ah Peter hong hawh sungin a gamtat khialhna hangin thu uppih mite lak mahah amah ka taii hi.

Paunak 29:5

A man lopi-in mi khat mawkphatna pen a awk nadingin thangsiahna ahi hi.

1 KUMPI MASATE 1:23

Kumpipa kiangah, “Hih lai-ah kamsangpa Nathan om hi,” ci-in a kigen hi. Kumpipa mai-ah amah hong pai ciangin a mai leilam ngatin kumpipa’ mai-ah a kun hi.

2 SAMUEL NIHNA 12:7

Tua ciangin Nathan in David kiangah, “Nang pen tua mipa na hi hi. Israel Pasian, Topa in hih bangin ci hi: ‘Israel-te tungah kumpi-in nang sathau hong nilhin Saul’ khutsung panin nang kong honkhia hi.

Paunak 24:25

A mawh mi gim a pia thukhen pa ahihleh thupha kipia-in daupai ding hi.

JOB (Job) 32:21

Hih ka thugenna-ah kuamah ka pawlpih kei ding a, kuamah phattuam ka nei kei ding hi.

JOB (Job) 32:22

Kuamah ka mawkphat thei kei hi. Tuaci mawkphat leng Pasian in kei hong sumang pak ding hi.