Paunak 28:18 - Tedim Bible

¹⁸ Thumanin a gamta mite lungmuangin om ding uh a, a zuautat mite ahihleh puk ding uh hi.

Tedim Bible Revision 2017

¹⁸ Thumanin a gamta mite lungmuangin om ding uh a, a zuau tat mite ahihleh puk ding uh hi.

Paunak 28:18 Referans Kwoze

Paunak 10:9

Thuman mite lungnuamin om hithiat a, thuman lote kiman hi.

Paunak 28:6

Hau napi-in lungsimkawi mi hihna sangin zawng napi-in paubaan neih lohna hoihzaw hi.

Mangmuhna 3:3

Tua ahih manin note a hong kihilh na zaksa uh thute phawkkik unla, tua thute zui-in na mawhna panun kisik kik un. Khua na phawk kei uhleh note kiangah guta bangin ka hong pai ding a, ka hong tunlam nangawn na thei kei ding uh hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong piapa ahi hi. Thumanin a gamta mite tungah Topa in na hoih bangmah siit lo hi.

Gamlak-vakna 22:32

Topa’ vantungmi in ama kiangah, “Bang hangin na la thumvei dong sat na hi hiam? En in, hih na khualzinna-ah lungkim lo ka hih manin nang hong pang dingin kong kuankhia hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuh’ zakin Peter kiangah, “Nang pen Jew mi hinapi-in Jew mi bangin gamta loin Gentail mite bangin a gamta khinsa na hi hi. Tua bangin a gamta khinsa hinapi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

Paunak 10:25

Huihpi a nun’ ciangin migilote leenmang a, thuman mite lungmuangin om tawntung uh hi.

Late 125:5

Ahih hangin amau’ gitlohna a zuite pen siatna a bawlte gim na piak ciangin amaute tawh piakhawm in. Israel tungah nopna om ta hen!

Late 26:11

Ahih hangin kei ahihleh, ka hoih gamtat hi. Hong hehpih inla, kei hong honkhia in.

Late 25:21

Nang hong muang ka hih manin, kicinna le thutanna in kei hong kem tahen.

Paunak 10:27

Topa zahtakna in khan sausak a, migilote khansih hi.

Gamlak-vakna 22:21

Tua ahih ciangin zingsangin Balaam tho-in a la tutphah vawhin Moab uliante a zui hi.

Gamlak-vakna 22:35

Topa’ vantungmi in Balaam kiangah, “Mite zui in; ahih hangin nang kong sawlteng bek na gen ding hi,” a ci hi. Tua ahih ciangin Balaam in Balak’ uliante a zuisuak hi.

Paunak 28:10

A diktat mi khat siatsak ding a hanciam pa pen ama tawhsa gum sung mahah kia ding hi. A dik mipa in gamh hoih luah ding a, migilo pa in bangmah luah lo ding hi.