Paunak 28:13 - Tedim Bible

¹³ A khialhna a im mite a dau pai lo ding a, a mawhna pulakin a kikheel mite in hehpihna ngah ding uh hi.

Tedim Bible Revision 2017

¹³ A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Paunak 28:13 Referans Kwoze

JOB (Job) 31:33

Midangte in a mawhnate uh pulak loin imcip uh a, ahih hangin keima mawhna cikmahin ka im ngei kei hi.

JOB (Job) 33:27

Tua ciangin amah in mihonpite’ zakna-ah, ‘Kei ka khial khin hi. A manin ka gamta kei a, ahi zongin Pasian in kei hong suaktasak hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua-ah thu hilhin, a zomin Jerusalem khua-ah, tua ciangin Jew mite omna gam khempeuh le Gentail mite lakah thu ka hilh hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Piancilna 4:9

Tua ciangin Topa in Kain tungah, “Na sanggampa Abel koi-ah om ahi hiam?” a ci hi. Amah in, “Ka thei kei hi. Kei, ka sanggam a kem pa ka hi hiam?” ci hi.

Paunak 10:12

Muhdahna in kitotna piangsak a, itna in mawhna khempeuh maisak hi.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai le Israel-te’ mai-ah kei hong pahtawi inla, Topa na Pasian ka biaktheih nadingin kei hong zuikik in,” a ci hi.

1 SAMUEL MASA 15:24

Tua ciangin Saul in Samuel kiangah, “Ka khial khin hi; bang hang hiam cih leh keimah in mite kihta-in amau’ thu mangkha ka hih manin Topa’ thupiakna le nangma thute ka palsat khin hi.

Paunak 17:9

Mi’ khialhna a maisakte midangte in itin lawm hau uh a, mi’ khialhna ciaptehna pen lawm taanna ahi hi.

1 SAMUEL MASA 15:13

Tua ciangin Samuel hong pai a, Saul in ama kiangah, “Topa’ thupha na tungah hong tung hen. Topa’ thupiakna ka sem khin hi,” a ci hi.

Siampi Laibu 5:5

“Hihte khat peuhpeuhah mi khat a mawh ciangin, amah in a gamtatnasa a khialhna pulak ding a,

2 SAMUEL NIHNA 12:13

David in hih thu a zak ciangin Nathan kiangah, “Topa’ tungah ka khial khin hi,” a ci hi. Tua ciangin Nathan in David kiangah, “Topa in zong na khialhna hong maisak khinzo hi; nang na si kei ding hi.

2 SAMUEL NIHNA 14:32

Absalom in Joab dawngin, “En in, nang kiangah thu kong puak a, ‘Kumpipa kiangah nang hong sawlin, “Bang hangin Geshur panin hong pai ka hi hiam? Tua lai-ah omlai leng kei a dingin hoihzaw ding hi,” ci-in a va dong dingin hih lai-ah nong pai nading kong gen hi. Tua ahih ciangin tu-in kumpipa omna-ah kei hong paisak in; kei tungah mawhna a om leh amah hong thatsak in,’ ka ci hi,” a ci hi.

Ezra 10:11

Tua ahih ciangin tu-in na pu na pate uh Pasian ahi Topa’ tungah na mawhna uh pulak unla, ama deihna bangin gamta-in hih gam a teng gamdang mite le gamdang mi ahi na zite uh tawh kikhenin tuam om un,” a ci hi.

Nehemiah 9:2

Tua hi a, gamdangmi khempeuh panin Israel mite tuam om uh a, amaute in dinsa-in amau’ khialhnate le a pu a pate uh mawhnate a pulak uh hi.

Jeremiah 2:35

nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Thukhente 10:15

Ahi zongin Israel mite in Topa tungah, “Ka khial khin uh hi. Hoih na sak bangin ko tungah hong hih in. Tuni-in hong honkhia in, kong thum uh hi,” a ci uh hi.

2 KUMPI NIHNATE 20:15

Amah in, “Amaute in na inn sungah bang mu ahi uh hiam?” a ci hi. Tua ciangin Hezekiah in dawngin, “Amaute in ka innsunga om khempeuh mu uh hi; ka vankoihna inn sungte panin amaute ka lah loh bangmah om lo hi,” a ci hi.

2 KHANG TANGTHU NIHNATE 6:26

“Amaute nangma tungah hong khialhna hangin vantung kikhak cipin guah a zuk loh hun, amaute na gimsak hun ciangin, amaute in hih mun lam nga-in thu ngen a, na min hong phawkin amau’ khialhna panin a kihei uh le,

Ezra 10:2

Tua ciangin Elam-te beh sung panin Jehiel’ tapa Shekaniah hong pau-in Ezra kiangah, “Hih gam a teng gamdang numeite tenpihna tawh i Pasian tungah i khial hi. Ahi ta zongin Israel mite a dingin lametna omlai hi.

JOB (Job) 34:31

“Job aw, Pasian’ tungah na khialhnate pulakin na khialh nawn loh nading thu ciam nai lo na hi hiam?

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Jonah 3:10

Pasian in amau’ hihnate mu a, a khialhna uh panin a kihei uh a muh ciangin kisik a, amau tungah hih dingin a cihsa siatna a tungsak nawn kei hi.