Paunak 28:10 - Tedim Bible

¹⁰ A diktat mi khat siatsak ding a hanciam pa pen ama tawhsa gum sung mahah kia ding hi. A dik mipa in gamh hoih luah ding a, migilo pa in bangmah luah lo ding hi.

Tedim Bible Revision 2017

¹⁰ A dik tat mi khat siatsak ding a hanciam pa pen ama tawh sa gum sung mahah kia ding hi. A dik mipa in gamh hoih luah dinga, migilo pa in bangmah luah lo ding hi.

Paunak 28:10 Referans Kwoze

Paunak 26:27

Mi siahna-in gum a tote amau’ gum tawhna sung mahah lehkiat zawsop uh a, mi a dengkha dingin suang a khukte amau’ suang khuk mah in amau mah lehden kha zaw hi.

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Paunak 15:6

Thuman mite’ neihsa kip a, migilote’ hauhna in lungkham a guan hi.

Mangmuhna 2:14

Ahi zongin note ka hong mawhsak nading thu tawmkhat a om hi. Milim biakna ante nesakin, nulepa paktatna piangsak a, Israel mite mawhna a gamtasak Balak tungah thu a hilh Balaam’ thuhilhnate a um mi pawlkhat note lakah a om hi.

Thuhilh-sia 10:8

Gum a tote gum sung mahah kia ding a, mi’ phung a phelsakte gul in tu ding hi.

Paunak 21:20

Mipil pa’ inn sungah neihlelam a dimin om a, ahi zongin mihai pa in a ngahzahzah zangkhia pah hi.

Paunak 10:3

Topa in mihoihte a gilkialin koih lo a, migilote a duh uh nesak lo hi.

Late 37:11

Ahih hangin lungnemte in leitung luahin, genzawh lohin amaute nuamsa ding uh hi.

Late 9:15

Amau’ bawlsa gum sung mahah minamte kiasuk uh a, a ngenthang siahna uhah amau’ khe mah a awk hi.

1 SAMUEL MASA 26:19

Tua ahih ciangin tu-in ka to kumpipa in a nasempa’ thu za in. Keimah a do dingin nang hong toksuah pa pen Topa ahihleh amah in biakna hong sang ta hen; ahih hangin mihing ahihleh amaute in Topa’ mai-ah samsiatna ngah tahen. Bang hang hiam cih leh amaute in, ‘Pai in; pasian dangte’ na sem in,’ ci-in Topa’ gamh ka ngah loh nadingin tuni-in kei hong hawlkhia uh hi.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

1 PETER MASA 3:9

Hong bawlsiate siatna tawh thukkik loin hong samsia mite samsia kik kei unla, Pasian in note a hong sap lai-in thupha a hong piak dingin hong ciamsa ahih manin, hong siat bawlte thupha tawh na thukzaw un.

Late 57:6

Amaute in keima khe, thang hong siah uh a, lungkhamin hong koih uh hi. Ka pai nading munah gum khat to uh a, ahih hangin tua gum sungah amaute mah kia uh hi.

Late 139:24

Kei sungah siattheihna a omkha hiam hong en inla, tawntung lampi-ah kei hong kha in.

Paunak 2:21

Bang hang hiam cih leh mi thuman, miginate, hih i leitungah tengin om ding uh a,

Paunak 28:18

Thumanin a gamta mite lungmuangin om ding uh a, a zuautat mite ahihleh puk ding uh hi.