Paunak 27:6 - Tedim Bible

⁶ I lawmte in hong liamsak hangin i hoihna ding a hong deihsakna hizaw hi. I galte in hong ngawng kawina pen hong lehbawlna ahi hi.

Tedim Bible Revision 2017

⁶ I lawmte in hong liamsak hangin i hoih nading a hong deihsakna hizaw hi. I galte in hong ngawng kawina pen hong leh bawlna ahi hi.

Paunak 27:6 Referans Kwoze

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amau’ gitloh gamtatnate nakpitakin langpangin thu ka ngenngen hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Hebru 12:10

I leitung pate in amau’ hoihsak bangin nuntak tomno sung ngaihsutna-in hong thuhilhin gim hong pia a, ahi zongin Pasian in amah tawh kibangin siangtho-in i omtheih nadingin eite hong khualna-in hong thuhilhin gim hong pia hi.

Paunak 10:18

Mi a mudahte bek in zuauthu gen a, mi a gensiate mihai ahi hi.

Paunak 20:30

Nakpi takin satna in misia kimlai a pha hong suah a, nakpitakin vuakna in i sungtawng hoih lohna teng a siangsak hi.

Paunak 27:7

A gilvah mipa in khuaizu nangawn duh nawn lo a, a gilkial mipa in a kha an nangawn limsa hi.

Paunak 28:23

Mi khat tai-in thuhilh lecin tungthama phatna sangin a tawpna-ah lungdamzaw ding hi.